Bætast í eigendahóp Markarinnar

Í fréttatilkynningu þess efnis segir að Hildur sé lögmaður með leyfi til málflutnings fyrir héraðsdómi. Hún hafi útskrifast með BA-gráðu í lögfræði frá HÍ 2007 og meistaragráðu árið 2010. Hluta meistaranámsins hafi hún tekið við Kaupmannahafnarháskóla. Hildur hafi starfað hjá Mörkinni frá árinu 2013 en þar áður hafi hún unnið hjá Samkeppniseftirlitinu. 

Hún sitji í kærunefnd vöru- og þjónustukaupa auk þess að hafa sinnt kennslu í neytendarétti við lagadeild Háskóla Íslands. Helstu starfssvið hennar séu samkeppnisréttur, neytendaréttur, stjórnsýsluréttur og félagaréttur.

Peter sé lögmaður með leyfi til málflutnings fyrir héraðsdómi. Hann hafi útskrifast með BA-gráðu í lögfræði frá Háskóla Íslands árið 2014 og meistaragráðu árið 2016. Hluta meistaranámsins hafi hann tekið við Háskólann í Groningen í Hollandi. Eftir útskrift hafi Peter starfað hjá framkvæmdastjórn Evrópusambandsins og EFTA-dómstólnum en gengið eftir það til liðs við Mörkina. Þar hafi hann verið síðan, utan þess að hann starfaði sem aðstoðarmaður við Hæstarétt í 18 mánuði árin 2020 til 2021. Helstu starfssvið hans séu samkeppnisréttur, EES-réttur, útboðsréttur og persónuvernd.

Mörkin lögmannsstofa hafi verið starfrækt frá árinu 1975 og veitt innlendum sem erlendum fyrirtækjum, stéttarfélögum, stofnunum og einstaklingum alhliða lögmannsþjónustu allan þann tíma. Lögmenn hjá Mörkinni séu þrettán, þar af níu í hópi eigenda að Hildi og Peter meðtöldum. 

„Hildur og Peter hafa sýnt með störfum sínum og sérþekkingu að þau verði mikill styrkur fyrir Mörkina.“