Hiti gæti náð 25 stigum í dag

Á Suður- og Vesturlandi verður skýjað og smá væta fram eftir degi. Hitinn um tólf til átján stig. 

Næstu daga er spáð að lægð suður í hafi beini hlýjum loftmassa til landsins frá Evrópu er segir í hugleiðingum veðurfræðings. Á morgun er hitinn talinn geta farið upp í 28 stig á Austurlandi er mæst lætur. Íbúar á öðrum stöðum þurfa þó ekki að örvænta þar sem spáð er sól á öllu landinu.

Veðurhorfur næstu daga

Á mánudag: Austan og norðaustan 3-10 m/s, en 8-13 við suðausturströndna. Víða bjart veður og hiti 17 til 28 stig, en sums staðar þokubakkar og mun svalara við norður- og austurströndina.

Á þriðjudag: Austlæg eða breytileg átt 3-8. Bjart með köflum, en þokubakkar við ströndina og skúrir á stöku stað síðdegis. Áfram mjög hlýtt.

Á miðvikudag: Suðlæg eða breytileg átt og sums staðar væta, einkum sunnanlands, en yfirleitt þurrt og bjart á austanverðu landinu. Hiti 13 til 25 stig, hlýjast í innsveitum norðaustantil.

Á fimmtudag, föstudag og laugardag: Hæg breytileg átt, skýjað og dálítil súld öðru hverju. Hiti 12 til 20 stig.