Spá þoku fyrir norðan og austan

Í textaspá Veðurstofunnar segir að líkur séu á þokubökkum við norður- og austurströndina. Hiti mælist12 til 20 stig, hlýjast á Norðausturlandi

Um helgina gera spár ráð fyrir hægum vindum. Skýjað með köflum og víða skúrir. Hiti yfirleitt 13 til 20 stig.

Í byrjun næstu viku er útlit fyrir hægar breytilegar áttir. Væta af og til og áfram fremur hlýtt í veðri.

Veðurhorfur á landinu næstu daga

Á laugardag og sunnudag:

Fremur hæg breytileg átt. Skýjað og víða skúrir, en þokubakkar við norður- og austurströndina. Hiti 12 til 20 stig.

Á mánudag:

Hæg norðaustlæg eða breytileg átt, skýjað með köflum og smáskúrir í flestum landshlutum. Hiti 14 til 20 stig.

Á þriðjudag:

Norðaustlæg eða breytileg átt og rigning eða súld, en lengst af þurrt norðan- og vestanlands. Hiti 12 til 20 stig, en svalara á annesjum austanlands.

Á miðvikudag:

Breytileg átt og skýjað með köflum. Bjart að mestu norðaustanlands, en þar líkur á síðdegisskúrum. Hiti 14 til 22 stig, hlýjast á Norðausturlandi.

Á fimmtudag:

Útlit fyrir suðaustanátt með rigningu eða skúrum, en léttskýjað austanlands. Áfram hlýtt í veðri.