„Heiður að spila gegn einum besta leik­manni heims“

„Við töluðum um það sem gerðist og jafnvel hlógum að því. Svo fórum við að tala um hvað við ætlum að gera gegn Slóveníu.“

Strákarnir eru staðráðnir í að þjappa sér saman fyrir leik dagsins.

„Þetta er svipað og eftir tapið gegn Belgíu. Við sýndum þá að við erum sterkir í hausnum og ætlum okkur að ná í okkar fyrsta sigur. Mér finnst við hafa sýnt að við eigum heima hérna. Hvort sem við verðum fimm á móti átta aftur eða annað mótlæti þá ætlum við að sigrast á því,“ sagði Jón Axel beittur en hann var haltrandi í gær. Það á samt ekki að stöðva hann frá því að spila.

„Framhaldið lítur vel út. Ég fæ meðferð í dag og svo klár í slaginn. Það verður mikill heiður að spila gegn einum besta leikmanni heims. Við gerum hvað sem við getum til að pirra hann og vinna leikinn.“