Ný­liði mættur með lands­liðinu til Ítalíu

Nýliðinn er Skagfirðingurinn Ragnar Ágústsson. Þessi 24 ára gamli leikmaður hefur að meðaltali skorað átta stig og tekið fimm fráköst í leik, með Tindastóli í Bónus-deildinni það sem af er leiktíð.

Leikurinn við Ítalíu er sá fyrsti hjá Íslandi í nýrri undankeppni fyrir HM 2027. Liðið tekur svo á móti Bretum á sunnudaginn og fjórða liðið í riðlinum er Litháen.

Craig Pederson og þjálfarateymi hans völdu 12 leikmenn í hópinn sem ferðaðist til Tortona í gær. Haukur Helgi Pálsson snýr aftur eftir að hafa misst af EM í haust vegna meiðsla. Þórir Guðmundur Þorbjarnarson er einnig í hópnum núna en Almar Orri Atlason, Kári Jónsson og Kristinn Pálsson ekki með.

Leikurinn á fimmtudaginn hefst klukkan 19:00 að íslenskum tíma.

Landsliðshópur Íslands:

• Elvar Friðriksson - Anwil Wloclawek - 84 leikir
• Haukur Helgi Pálsson - Álftanes - 82
• Hilmar Smári Henningsson - Jonava - 30
• Jón Axel Guðmundsson - CB San Pablo Burgos - 45
• Martin Hermannsson - Alba Berlin - 87
• Orri Gunnarsson - Stjarnan - 21
• Ragnar Ágústsson - Tindastóll - nýliði
• Sigtryggur Arnar Björnsson - Tindastóll - 47
• Styrmir Snær Þrastarson - CB Zamora - 30
• Tryggvi Snær Hlinason - Bilbao Basket - 79
• Þórir Guðmundur Þorbjarnarson - KR - 29
• Ægir Þór Steinarsson - Stjarnan - 101