Al­gengustu áramótaheitin 2026 og góð ráð til að standa við þau

Vinsælustu tíu áramótaheitin hjá Bandaríkjamönnum fyrir árið 2026 eru til dæmis þessi:

• Hreyfa okkur meira
• Vera hamingjusamari
• Spara pening
• Létta okkur (þyngd)
• Bæta andlega heilsu okkar
• Að læra eitthvað nýtt
• Verja meiri tíma með fjölskyldu (sama hlutfall og að læra eitthvað nýtt)
• Að rækta trúnna (sama hlutfall og læra eitthvað nýtt eða verja tíma með fjölskyldu)
• Að lesa meira (sama hlutfall og að rækta fjölskyldusamveru eða trúnna)
• Ferðast

Bretar eru á svipuðu róli. Þar sundurliðast reyndar heilsumarkmiðin í efstu sætin en heilt yfir eru markmiðin í efstu sætunum tíu frekar svipuð.

• Komast í form/hreyfa sig meira
• Léttast (þyngdartap)
• Borða hollari mat
• Betri heilsa almennt
• Spara pening, eyða minna
• Að vera betri útgáfa af sjálfum mér
• Rækta samband við vini og vandamenn
• Að ná betri tökum á kauphegðun/fjármálum
• Skipta um vinnu
• Ferðast, fara í frí

Í ellefta sæti í Bretlandi er markmið um að drekka minna áfengi. Sem eflaust er mörgum ofarlega í huga, að minnsta kosti að morgni nýársdags.

Ekki er ólíklegt að áramótaheit okkar Íslendinga séu á svipuðu róli og hjá Kananum eða Bretanum. 

En hvernig getum við staðið við þessi heit? Því flestir gefast upp í febrúar mars….

Við báðum gervigreindina ChatGpt að gefa okkur fimm góð ráð en þau eru þessi:

1. Jákvætt orðalag

Samkvæmt rannsóknum eykur það líkurnar á árangri ef við orðum markmiðin okkar á jákvæðan hátt. Dæmi: Ég ætla að hreya mig meira, frekar en: Ég ætla að hætta að sleppa ræktinni svona oft.

2. Einfalt, skýrt, mælanlegt

Þegar við strengjum okkur heit er erfitt ef það er of almennt. Dæmi: Ég ætla að borða grænmeti í hádeginu alla daga vikunnar í vinnunni eða ég ætla að fara í ræktina 3 x í viku, er skýrara orðalag en að strengja sér heit um að borða hollara og vera duglegri í ræktinni.

3. Fíllinn ekki gleyptur í janúar

Margir gefast upp því þeir ætla sér of mikið of hratt. Mælt er með því að fólk búi sér til lágmarks-dagskrá og byggi síðan ofan á hana, viku eftir viku til dæmis.

4. Kerfið sem virkar

Viljastyrkur er ekki það sama og að vinna að markmið með einhverju ákveðnu kerfi. Og þar er það víst þannig að það er betra fyrir okkur að velja okkur KERFI fyrirfram. Til dæmis að ákveða tíma, stað, hvernig, hvaða mælikvarða/árangursmælingar við ætlum að styðja okkur við og svo framvegis.

5. Þú ert enginn aumingi né lúser

Loks er það að ákveða með okkur sjálfum, hvernig við ætlum að mæta bakslögum. Því það munu koma bakslög. Segjum sem svo að ætlunin sé að léttast, eða vera duglegri að mæta í ræktina. Í stað þess að fara í hugarfarið uppgjöf þegar það koma dagar sem við náðum ekki að standa okkur, ákveðum við fyrirfram viðhorf eins og: Og ef ég spring einn dag, þá bara ókei….aðalmálið er að halda áfram daginn eftir og gefast ekki upp.