Martin missir af lands­leikjunum

ALBA Berlin segir frá því að Martin verði frá keppni í um það bil sex vikur eftir að hafa orðið fyrir alvarlegum liðbandameiðslum í þumalputta í sigri ALBA Berlin á Karditsa Iaponiki í Meistaradeildinni í körfubolta á miðvikudaginn.

Eftir læknisskoðun eftir leikinn kom í ljós alvarleiki meiðslanna. Alba Berlin staðfesti meiðslin á miðum sínum.

Martin verður ekki með Alba Berlin í baráttunni um sæti í átta liða úrslitum Meistaradeildarinnar auk þess að missa af leikjum í þýsku deildinni. Í Meistaradeildinni er Martin með 9,0 stig og 6,4 stoðsendingar að meðaltali í leik.

Þessi sex vikna batatími hefur því ekki aðeins áhrif á þýska liðið heldur einnig á A-landslið Íslands.

Gert er ráð fyrir að Martin missi af tveimur leikjum gegn Litháen, heima og að heiman, 27. febrúar og 2. mars, þegar keppni hefst að nýju í D-riðli í undankeppni Evrópu fyrir HM FIBA 2027.

Martin meiddist í leik á móti Bretum í síðasta glugga og var þá frá keppni í nokkrum leikjum með Berlínarliðinu.

Eftir landsleikjahléið í nóvember, þar sem Ísland, Bretland, Litháen og Ítalía mættust, eru öll liðin jöfn með 1-1. Þrjú efstu liðin í lokastöðunni eftir sex leiki komast áfram í næstu umferð.