Salurinn fylltist í þrí­gang á fimm­tíu ára afmælistónleikum

Salurinn í Kópavogi hýsti þrjá kórtónleika í dag, laugardaginn 7. mars, en Skólakór Kársness hefur lengi þótt vera einn farsælasti barnakór landsins. Öll kórbörn skólans komu fram á tónleikunum en salurinn þrífylltist í dag af aðdáendum kórsins.

Fyrrverandi kórbörn voru boðuð með í gleðina en í þeim mátti heyra meðal annars í bakröddum þegar Emilíana Torrini steig á stokk. Hún er ein þeirra sem sungu með kórnum alla sína grunnskólagöngu en það sama má segja um Höllu Tómasdóttur, Erp og Gissur Pál Gissurarson.

Ásdís Kristjánsdóttir bæjarstjóri ávarpaði samkomuna og þakkaði stofnanda kórsins, Þórunni Björnsdóttir, fyrir ómetanlegt starf og framlag sitt til menningar. Þær Álfheiður Björgvinsdóttir og Þóra Marteinsdóttir tóku við stjórn kórsins.

Gleðin var svo sannarlega við völd á öllum þremur tónleikum dagsins eins og sjá má á myndum.