Hulda tekur við nýrri deild hjá Eim­skip

Hulda hóf fyrst störf hjá Eimskip fyrir ári síðan en var þar áður hjá Marel þar sem hún stýrði umbreytingarverkefnum í alþjóðlegu umhverfi og hafði umsjón með verkefnum á sviði mannauðs- og samskiptamála. Hún býr yfir víðtækri reynslu af fjölmiðlum, samskipta- og kynningarhaldi og viðburðahaldi.

Hulda er með MBA-gráðu frá Háskólanum í Reykjavík auk þess sem hún hefur lokið stjórnendaþjálfun í sjálfbærni frá Harvard T.H. Chan School of Public Health.

„Með stofnun nýrrar deildar viljum við styrkja og samræma miðlun Eimskips, bæði inn á við til starfsfólks og út á við til viðskiptavina, samstarfsaðila og annarra hagaðila. Breytingin skapar aukin tækifæri á að tengja saman vinnustaðarmenningu, fræðslu, markaðs- og samskiptamál og styðja þannig við áframhaldandi þróun félagsins,“ er haft eftir Hörpu Hödd Sigurðardóttur, framkvæmdastjóra Mannauðs- og samskiptasviðs, í fréttatilkynningu.