Enski boltinn

Bruno bætti metið eða hvað?

Sindri Sverrisson skrifar
Bruno Fernandes og félagar fagna eftir skallamark Patrick Dorgu sem kom eftir hornspyrnu Portúgalans.
Bruno Fernandes og félagar fagna eftir skallamark Patrick Dorgu sem kom eftir hornspyrnu Portúgalans. Getty/Ash Donelon

Bruno Fernandes, sem í gær var valinn besti leikmaður tímabilsins í ensku úrvalsdeildinni, virtist í dag hafa bætt stoðsendingametið á einni leiktíð í deildinni.

Fernandes hafði lagt upp 20 mörk á tímabilinu með Manchester United og þar með jafnað metið sem var í eigu Thierry Henry og Kevin De Bruyne.

Hann hafði aðeins lokaleikinn í dag gegn Brighton á útivelli til að slá metið og sjá til þess að hann ætti það einn. Það virtist ganga eftir þegar hornspyrna hans á 33. mínútu rataði á kollinn á Patrick Dorgu sem mættur var í byrjunarlið United eftir langt hlé og skoraði með skalla.

Helstu miðlar Bretlands voru fljótir til að segja frá stoðsendingameti Fernandes en í endursýningu má sjá að svo virðist sem að skalli Dorgu hafi farið í þverslána og stefnt út en ekki inn í markið. Boltinn fór af hönd markvarðarins Bart Verbruggen og þaðan í netið og mun því sennilega á endanum verða skráð sem sjálfsmark.

Tilkynnt var um stoðsendingamet Bruno Fernandes um leið og boltinn endaði í netinu í fyrri hálfleik í dag en mögulega hlupu menn þar á sig.Skjaskot/@premierleague
Enski boltinn Manchester United

Tengdar fréttir

Í beinni: Mikið í húfi í lokaumferðinni

Tottenham tryggði sér áframhaldandi veru í ensku úrvalsdeildinni í dag eftir taugatrekkjandi lokaumferð. West Ham vann Leeds en þurfti á hjálp frá Everton að halda sem mistókst að vinna Tottenham.

Mest lesið


Fleiri fréttir

Sjá meira


×

Mest lesið