Á­fram rigning og lægðagangur

Í dag verður sunnanátt, þrír til tíu metrar á sekúndu og fremur vætusamt, einkum um sunnan- og vestanvert landið. Hitinn verður á bilinu níu til sextán stig, hlýjast fyrir norðan og austan.

Fremur milt verður í veðri en þegar vindáttin verður norðlæg má búast við svalara lofti að norðanverðu landinu af og til. Slydda gæti verið til fjalla. 

Veðurhorfur á landinu næstu daga

Á föstudag:

Suðvestan 5-13 m/s. Skúrir, en léttir til austanlands. Hiti 7 til 13 stig, svalast á Vestfjörðum. Snýst í norðvestlæga átt um landið norðanvert um kvöldið með rigningu eða slyddu og kólnar.

Á laugardag:

Hægt minnkandi norðan- og norðvestanátt. Rigning eða slydda á norðanverðu landinu, en þurrt sunnantil. Hiti 2 til 14 stig, mildast suðaustanlands. Styttir upp fyrir norðan um kvöldið.

Á sunnudag:

Fremur hæg austlæg átt. Skýjað og væta af og til um landið sunnanvert, en þurrt að kalla fyrir norðan. Hiti 7 til 12 stig.

Á mánudag:

Norðlæg átt, skýjað að mestu en úrkomulítið. Hiti 6 til 12 stig, mildast sunnantil.

Á þriðjudag:

Útlit fyrir norðanátt með rigningu á köflum og svölu veðri á norðanverðu landinu, en bjart með köflum sunnanlands og mildara.

Á miðvikudag:

Líkur á austanátt með rigningu syðra en þurrt fyrir norðan. Hiti svipaður áfram.