VAR dómararnir í bann eftir mis­tök helgarinnar

Matt Donahue var myndbandsdómari í leiknum og honum til aðstoðar var Blake Antrobus. Hvorugur fær að dæma leik næstu helgi og munu þeir því ekki fá nein verkefni fyrr en í fyrsta lagi eftir komandi landsleikjahlé, sem tekur við eftir leiki næstu helgar.

Mark Haalands í gær var dæmt af upprunalega á vellinum en þeim dómi var snúið við í VAR-herberginu. Pro Ref, dómarasamtök Bretlands, sendu út yfirlýsingu í gær þar sem greint var frá því að mistök hefðu verið gerð í kringum markið.

Málið yrði tekið til rannsóknar og nú hafa þeir sem gerðu mistökin verið dregnir til ábyrgðar. Donahue mun í fyrsta skipti í vetur sitja hjá í deildinni um komandi helgi.