Tryggði sig á PGA-mótaröðinna þrátt fyrir að meiðsli enduðu næstum feril hans

Árið 2019 sleit Scott liðbönd í úlnliðnum sínum og endaði á því að þurfa að fara í tvær aðgerðir vegna þess. Eftir aðgerðir gat hann ekki tekið upp kylfu í sautján mánuði og í viðtali við Golf Channel sagðist hann hafa glímt við andlega erfiðleika.

„Ég átti erfitt tímabil og ég var ekki viss hvort að ég gæti spilað golf aftur. Meiðslin urðu verri og verri og það var erfiðara að hita upp. Sársaukinn var alltaf að verða meiri,“ sagði Scott um tímann sem hann ákvað að hann þyrfti að taka sér pásu.

Það var erfitt fyrir hann að koma til baka eftir meiðslin en hann byrjaði á að keppa á mótaröðum í Suður-Ameríku og Evrópu. Í fyrra var hann búinn að vinna sér inn nógu mörg stig til þess að taka þátt í Korn Ferry-mótaröðinni sem er mótaröðin fyrir neðan PGA-mótaröðina.

Þegar hann komst á Korn Ferry-mótaröðina spilaði hann vel og með sigri á Nationwide Children‘s Hospital Championship-mótinu var hann kominn með nógu mörg stig til þess að tryggja sig yfir á PGA-mótaröðina.

Áður en Scott spilar golf þá þarf hann að binda utan um úlnliðinn á sér. Hluti af ástæðunni er vegna sársauka en hann gerir það líka til að minna sig á að njóta þess á meðan hann upplifir drauminn sinn.

„Eftir að ég kláraði háskóla sá ég allt í öðru ljósi og er bara ánægður með að ég fái að keppa og uppfylla drauminn minn að spila golf að atvinnu. Að spila vel er bara bónus.“