Júrógarðurinn: Unnur Elísabet, leikstjóri íslenska hópsins
Júrógarðurinn tók púlsinn á Unni Elísabetu, leikstjóra, sviðs- og danshöfundi íslenska atriðsins í ár. Atriðið var unnið í miklu samtali við Systur og segist Unnur sækja mikinn innblástur til þeirra. Unnur hefur komið víða að í listheiminum á Íslandi og hefur sérstaklega vakið athygli sem dansari og danshöfundur. Hún útilokar ekki að dansa á sviði á Eurovision en ætlar þó ekki að íhuga það fyrr en hún verður orðin gömul kona.
