Meistaradeildin

Fréttamynd

Bann Van Bommel stytt

Marc van Bommel hjá Bayern Munchen hefur fengið leikbann sitt í Meistaradeildinni stytt og verður því löglegur í síðari leik Bayern og AC Milan í 8-liða úrslitum keppninnar. Hann var dæmdur í tveggja leikja bann fyrir nokkrum dögum, en Bayern áfrýjaði og hefur bannið nú verð stytt. "Ég trúði ekki öðru en að banninu yrði breytt í einn leik," sagði van Bommel.

Fótbolti
Fréttamynd

Valencia og Inter áfrýja

Knattspyrnufélögin Valencia á Spáni og Inter Milan á Ítalíu hafa bæði áfrýjað dómi Knattspyrnusambands Evrópu í dögunum þar sem leikmönnum liðanna var refsað harðlega fyrir slagsmálin sem urðu eftir leik þeirra í Meistaradeildinni þann 6. mars.

Fótbolti
Fréttamynd

Navarro gengst við banni sínu

David Navarro, leikmaður Valencia á Spáni, ætlar ekki að áfrýja sjö mánaða keppnisbanninum sem hann var settur í af aganefnd Knattspyrnusambands Evrópu eftir slagsmálin sem brutust út eftir leik Valencia og Inter í Meistaradeildinni á dögunum.

Fótbolti
Fréttamynd

Platini leggur fram umdeildar tillögur

Michel Platini, forseti evrópska knattspyrnusambandsins, lagði í dag fram tillögur sínar um breytingar á keppnisfyrirkomulagi í Meistaradeild Evrópu. Platini kynnti þessar tillögur áður en hann bauð sig fram til forseta fyrir nokkrum vikum og voru þær harðlega gagnrýndar af forráðamönnum stærstu knattspyrnudeilda Evrópu.

Fótbolti
Fréttamynd

Navarro í sjö mánaða bann fyrir slagsmál

Knattspyrnusamband Evrópu tilkynnti í dag að David Navarro hefði verið dæmdur í sjö mánaða keppnisbann eftir ofbeldisfulla tilburði hans á leik Valencia og Inter í Meistaradeildinni á dögunum. Sambandið hefur óskað þess að bannið nái yfir allar keppnir. Hann var einn sex leikmanna sem fá keppnisbann fyrir slagsmálin og verða bæði lið auk þess sektuð um rúmlega 100 þúsund pund.

Fótbolti
Fréttamynd

Van Bommel verður ekki með gegn Milan

Hollenski miðjumaðurinn Mark van Bommel hjá Bayern Munchen mun að öllum líkindum missa af báðum leikjunum við AC Milan í 8-liða úrslitum Meistaradeildar Evrópu. Van Bommel var í dag dæmdur í tveggja leikja bann af aganefnd knattspyrnusambands Evrópu og eru forráðamenn Bayern mjög ósáttir við þessa niðurstöðu.

Fótbolti
Fréttamynd

Cocu: Rimman við Liverpool verður stríð

Philip Cocu, fyrirliði PSV í Hollandi, lýsir væntanlegri rimmu liðsins við Liverpool í 8-liða úrslitum Meistaradeildarinnar sem “stríði”. Cocu býst við tveimur afar hörðum leikjum, enda séu bæði lið hungruð í árangur í keppninni.

Fótbolti
Fréttamynd

Wenger spáir enskum sigri í Meistaradeildinni

Arsene Wenger, knattspyrnustjóri Arsenal, spáir því að enskt lið muni standa uppi sem sigurvegari Meistaradeildar Evrópu í vor. Liverpool, Chelsea og Manchester United eru öll í hópi þeirra átta liða sem eftir eru í keppninni og slepptu við að mætast innbyrðis í 8-liða úrslitunum.

Fótbolti
Fréttamynd

Liverpool mætir PSV og Man Utd leikur við Roma

Liverpool mætir hollenska liðinu PSV og Manchester United leikur við Roma í átta liða úrslitum Meistaradeildar Evrópu en dregið var í þau í Aþenu í morgun. Þá mætir Chelsea spænska liðinu Valencia en auk þess eigast stórliðin AC Milan og Bayern München við í átta liða úrslitum.

Fótbolti
Fréttamynd

Silvestre fluttur á sjúkrahús

Varnarmaðurinn Mikael Silvestre hjá Manchester United var fluttur á sjúkrahús í gærkvöld eftir að hann lenti mjög illa eftir skallaeinvígi í leiknum. Silvestre var óvænt í byrjunarliði United í leiknum, en óttast er að hann hafi farið úr axlarlið eða jafnvel brotnað í fallinu í gær og verður því væntanlega lengi frá keppni.

Fótbolti
Fréttamynd

Wenger vonsvikinn

Arsene Wenger var eðlilega mjög vonsvikinn í gær þegar hans menn í Arsenal féllu úr leik í Meistaradeild Evrópu eftir 1-1 jafntefli við hollenska liðið PSV á Emirates. Hann sagði þó engan tíma til að vera að velta sér upp úr tapinu - ný og erfið verkefni bíði liðsins á næstu vikum.

Fótbolti
Fréttamynd

Stutt gaman hjá Henry

Framherjinn Thierry Henry hjá Arsenal átti fremur nöturlega endurkomu með liði sínu í leiknum gegn PSV í gær. Arsenal féll úr keppni í Meistaradeildinni eftir 1-1 jafnteflið og Henry meiddist fljótlega í leiknum og í ljós kom að hann reif vöðva í nára og maga. Hann fer í frekari rannsóknir í dag, en ljóst er að hann verður frá keppni um óákveðinn tíma vegna þessa.

Fótbolti
Fréttamynd

Ferguson hrósaði Larsson

Sir Alex Ferguson notaði tækifærið og hrósaði framherjanum Henrik Larsson eftir sigur Manchester United á Lille í Meistaradeildinni í gærkvöldi. United hefur oft spilað betur en í gær, en eins og oft vill verða þegar mest liggur við, var það Svíinn magnaði sem gerði gæfumuninn.

Fótbolti
Fréttamynd

Alex stal senunni - Arsenal úr leik

Varnarmaðurinn Alex hjá PSV Eindhoven var maður kvöldsins í Meistaradeild Evrópu þegar hann skoraði bæði mörkin í 1-1 jafntefli Arsenal og PSV í síðari leik liðanna í 16-liða úrslitum. Alex skoraði sjálfsmark á 58. mínútu en tryggði PSV svo áfram í keppninni með glæsilegu skallamarki á þeirri 83.

Fótbolti
Fréttamynd

United og Bayern í góðum málum

Manchester United og Bayern Munchen eru í mjög góðum málum í Meistaradeildinni. Henrik Larsson er búinn að koma United í 1-0 gegn Lille á Old Trafford og þá var Brasilíumaðurinn Lucio að koma Bayern í 2-0 gegn Real Madrid. Liðin eru því í afar vænlegri stöðu þegar aðeins 15 mínútur eru til leiksloka.

Fótbolti
Fréttamynd

Arsenal leiðir á sjálfsmarki

Arsenal er komið í 1-0 gegn PSV á Emirates í Meistaradeildinni. Markið var sjálfsmark frá varnarmanninum Alex, en það var einmitt hann sem skoraði sjálfsmark og sendi lið sitt úr keppni síðast þegar liðin mættust í keppninni. Staðan í rimmunni er því orðin 1-1. Enn er ekkert mark komið í öðrum leikjum kvöldsins síðan Roy Makaay kom Bayern í 1-0 gegn Real Madrid.

Fótbolti
Fréttamynd

Makaay skoraði eftir 10 sekúndur og setti met

Hollenski framherjinn Roy Makaay hjá Bayern Munchen setti nýtt met í Meistaradeild Evrópu í kvöld þegar hann skoraði fyrsta mark liðsins eftir aðeins 10 sekúndur. Hér fyrir neðan er listi yfir þá sem hafa verið fljótastir að skora í sögu Meistaradeildarinnar.

Fótbolti
Fréttamynd

Martröð í byrjun hjá Real Madrid

Keppni í Meistaradeild Evrópu hefst með látum í kvöld, en framherjinn Roy Makaay hjá Bayern Munchen hefur eflaust farið langt með að setja nýtt met í keppninni þegar hann kom Bayern í 1-0 gegn Real Madrid eftir aðeins um 10 sekúndna leik. Eins og staðan er núna er Bayern því á leið áfram í keppninni á útimörkum.

Fótbolti
Fréttamynd

Houllier: Ég fer hvergi

Knattspyrnustjórinn Gerard Houllier segist ekki ætla að segja starfi sínu hjá Lyon lausu þrátt fyrir að lið hans hafi verið illa leikið af Roma á heimavelli sínum í gær. Margir spáðu því að Lyon færi langt í Meistaradeildinni þetta árið, en liðið var arfaslakt gegn Rómverjunum í gær og steinlá 2-0 í fyrsta tapi sínu á heimavelli síðan 2002 í keppninni.

Fótbolti
Fréttamynd

Henry á bekknum hjá Arsenal

Thierry Henry verður á varamannabekk Arsenal þegar liðið tekur á móti PSV í Meistaradeildinni í kvöld. Þá verður Ryan Giggs á bekknum hjá Manchester United sem tekur á móti Lille. Bæði lið verða í eldlínunni í beinum útsendingum sjónvarpsstöðva Sýnar.

Fótbolti
Fréttamynd

Ótti og trú

Gordon Strachan, þjálfari Celtic, segir sýna menn verða að hafa rétta blöndu af ótta og trú á sjálfa sig í kvöld þegar þeir sækja AC Milan heim í Meistaradeildinni. Fyrri leiknum í Skotlandi lauk með markalausu jafntefli.

Fótbolti
Fréttamynd

Cannavaro verður ekki með Real í kvöld

Miðvörðurinn Fabio Cannavaro getur ekki leikið með Real Madrid í kvöld þegar liðið sækir Bayern Munchen heim í síðari viðureign liðanna í 16-liða úrslitum Meistaradeildarinnar. Cannavaro meiddist á nára á æfingu í gær og þetta þýðir að þeir Ivan Helguera og Sergio Ramos munu líklega standa í hjarta varnarinnar og hinn ungi Miguel Torres tekur bakvarðarstöðu Ramos.

Fótbolti
Fréttamynd

Mancini: Navarro er skræfa

Roberto Mancini, þjálfari Inter Milan, segir að David Navarro hjá Valencia sé skræfa. Þetta sé eina orðið sem hægt sé að nota til að lýsa manni sem hagar sér eins og Navarro gerði í gær.

Fótbolti
Fréttamynd

Valencia og Inter kærð vegna ólátanna í gær

Evrópska knattspyrnusambandið hefur kært Valencia og Inter Milan vegna slagsmálanna sem brutust út eftir leik liðanna í gær. Þá hafa fimm leikmenn úr liðunum verið kærðir sérstaklega fyrir alvarleg agabrot.

Fótbolti
Fréttamynd

Stuðningsmaður Celtic lést í Mílanó

Stuðningsmaður skoska liðsins Glasgow Celtic lét lífið í Mílanó í gærkvöldi eftir að leigubíll ók á hann á götu skammt frá San Siro leikvangnum. Maðurinn var 36 ára gamall og ælað ásamt fjölda landa sinna að fylgja liði Celtic á síðari leikinn gegn AC Milan í meistaradeildinni í kvöld.

Fótbolti
Fréttamynd

Koeman hleður pressu á Arsenal

Ronald Koeman, þjálfari PSV Eindhoven, segir að ekkert megi útaf bera hjá Arsenal í kvöld þegar liðin mætast í síðari leik sínum í 16-liða úrslitum Meistaradeildarinnar. Hollenska liðið hefur 1-0 forystu fyrir leikinn á Emirates í kvöld.

Fótbolti
Fréttamynd

Navarro biðst afsökunar

David Navarro, leikmaður Valencia, hefur beðist afsökunar á framkomu sinni í leiknum gegn Inter í Meistaradeildinni í gær þar sem hann hljóp inn á völlinn og kýldi Nicolas Burdisso hjá Inter. Völlurinn logaði í slagsmálum eftir að flautað var af þar sem spænska liðið fór áfram í keppninni.

Fótbolti

Mest lesið