Benzema skaut Real Madrid upp í annað sætið

Real Madrid er komið upp í annað sæti La Liga-deildarinnar eftir 1-0 sigur á Sevilla sem sat á toppi deildarinnar fyrir helgina.

Fyrsta og eina mark leiksins kom á 64. mínútu en eftir frábæra fyrirgjöf Dani Carvajal skallaði Karim Benzema boltann í netið.

Sevilla náði að koma boltanum í netið er skammt var eftir en markið var réttilega dæmt af vegna rangstöðu. Fyrsta tap Sevilla á tímabilinu staðreynd.

Real er í 2. sætinu með ellefu stig en lífsnauðsynlegur sigur fyrir Zinedine Zidane eftir skellinn gegn PSG í vikunni.

Real Madrid are *checks notes* second in LaLiga and *checks notes again* four points ahead of Barcelona.  pic.twitter.com/zDqbO8Xx0Z

— Squawka Football (@Squawka) September 22, 2019

Sevilla er komið niður í fimmta sætinu með tíu stig.