Fréttir

„Það er ó­trú­lega dýrt og lýjandi að hafa rétt fyrir sér“

Tæp þrjú ár liðu frá því Rannveig Tenchi Ernudóttir og fjölskylda hennar keyptu hús í Stykkishólmi þar til þau fengu loks afsal fyrir eigninni. Húsið var sagt í góðu ástandi og vel við haldið en fljótlega komu, að sögn Rannveigar, í ljós leki, mygla, skemmdir á hitakerfi og vandamál með frárennsli. Fjölskyldan eyddi sparnaði sínum í framkvæmdir og lögfræðikostnað en Rannveig segir reynsluna hafa sýnt hversu erfitt getur verið fyrir kaupendur að sækja rétt sinn.

Innlent

Líkur á slyddu og snjó­komu á Vest­fjörðum

Gera má ráð fyrir talsverðri úrkomu um norðvestanvert landið í dag en slyddu og snjókomu til fjalla. Skýjað verður með köflum sunnan- og austantil og sums staðar væta. Hiti verður á bilinu þrjú til tólf stig, svalast á Vestfjörðum en mildast á landinu austanverðu.

Veður

Tor­tímir gervi­greindin mann­kyninu?

„Dómsdagur er í nánd,“ hafa verið skilaboð gervigreindariðnaðarins til almennings og stjórnmálamanna á undanförnum vikum. Forseti tölvunarfræðideildar HÍ ræðir við Vísi um hvort gervigreindin sé í þann veginn að tortíma mannkyninu.

Innlent

Mátti þrífa harka­lega í leikskólabarn

Landsréttur hefur staðfest sýknudóm yfir starfsmanni leikskóla í Reykjavík sem var ákærður fyrir líkamsárás og brot gegn barnaverndarlögum eftir að hafa gripið harkalega í öxl drengs á leikskólalóðinni. Héraðsdómur Reykjaness hafði áður talið sannað að starfsmaðurinn hefði valdið drengnum áverkum en ekki að háttsemi hans hefði verið refsiverð.

Innlent

Hafa skotið um hundrað bjargdúfur í Vest­manna­eyjum

Vestmannaeyjabær hóf fyrr í þessum mánuði fækkun bjargdúfna í Vestmannaeyjum. Hingað til hafa samtals 94 bjargdúfur verið felldar. Dýraverndunarsamband Íslands hefur áhyggjur af aðgerðunum og eftirliti með þeim. Í leyfi sem bærinn fékk frá ráðuneyti er ekki tilgreindur ákveðinn hámarksfjöldi fugla sem heimilt er að fella en markmið aðgerðanna er að fækka bjargdúfum og halda stofninum í skefjum.

Innlent

Sjald­gæfur gestur í Eyjum

Kúhegri leit inn í Vestmannaeyjum í dag og sást hann á vappi við Prentsmiðjuna. Þetta er fyrsti kúhegrinn sem vitað er til að hafi sést í Vestmannaeyjum og sá fyrsti sem sést hefur á landinu á þessu ári.

Innlent

Skriða þveraði veginn í Árneshrepp

Stór skriða féll í Kaldbaksvík á Ströndum og hefur lokað veginum í Árneshrepp. Vegurinn er lokaður og segir sveitarfélagið að hann verði í besta falli jeppafær þegar Vegagerðin hefur opnað hann á ný.

Innlent

Allt um­fram 2,8 milljarða dregið frá

Allar tekjur sem Ríkisútvarpið hefur af auglýsingasölu umfram 2,8 milljarða verða dregnar frá útvarpsgjaldi fjölmiðilsins verði af nýju frumvarpi ráðherra. Hann leggur til breytingar á lögum um ríkismiðilinn en ætlar ríkinu sömuleiðis að taka á sig fjögurra milljarða skuld.

Innlent

Segir Ingu hafa eytt sér á Facebook

Guðmundur Ingi Kristinsson, þingmaður og fyrrverandi mennta- og barnamálaráðherra, segist ekki hafa talið sig eiga neitt val um afsögn þar sem hann hafði ekki heilsu til þess að berjast fyrir embætti sínu eftir aðgerð. Hann eigi í dag engin samskipti við Ingu Sæland, sem hafi eytt honum af vinalista sínum á Facebook.

Innlent

Hver á­kvað að Guð­mundur Ingi ætti að hætta?

Í skilaboðum sem Guðmundur Ingi Kristinsson fékk fyrir afsögn sína var honum sagt að leiðtogar ríkisstjórnarinnar hefðu tekið ákvörðunina um brotthvarf hans. Sömu skilaboðum fylgdi tillaga að yfirlýsingu um að hann hefði sjálfur ákveðið að hætta.

Innlent

Sýnir Xi lýðræðisdjásn Banda­ríkjanna

Xi Jinping lýkur ferð sinni til Bandaríkjanna með ferð í Skjalasafn Bandaríkjanna þar sem Donald Trump ætlar að sýna honum frelsisyfirlýsinguna frægu frá 1776 og réttindaskrá Bandaríkjanna. Bæði þessi skjöl marka grunnstoðir bandarísks lýðræðis. Trump lýsti þeim sem einhverjum mestu fjársjóðum Bandaríkjanna, áður en hann ætlaði að sýna þau leiðtoga öflugasta kommúnistaríkis heims.

Erlent

Á­kærðir fyrir að frelsissvipta mann og nauðga með röri

Fimm karlmenn hafa verið ákærðir fyrir nauðgun, sérstaklega hættulega líkamsárás, frelsissviptingu og hótanir í garð manns í ágúst árið 2023. Þeim er meðal annars gefið að sök að hafa troðið járnröri inn í endaþarm mannsins og svo stungið því í munn hans. Einn þeirra er ákærður fyrir að hafa tekið athæfið upp á myndskeið og deilt því í spjallhópinn „Fótbolti á Boys“ á samfélagsmiðlinum Snapchat.

Innlent

Fundu um­fangs­mikla kannabisrækt í Bolungar­vík

Lögreglan á Vestfjörðum segir að hald hafi verið lagt á tugi kannabisplantna sem fundust við húsleit í Bolungarvík á miðvikudaginn. Húsráðandi var handtekinn en talið er að ræktunin hafi átt að fara í dreifingu og sölu.

Innlent

„Nauð­syn­legt er að kjara­samningar haldi“

Landsþing Sambands íslenskra sveitarfélaga samþykkti í dag ályktun um að sveitarfélög sýni ábyrgð gagnvart stöðu efnahagsmála og taki virkan þátt í að bæta stöðuna. Ályktunin var lögð fram af formanni sambandsins, Almari Guðmundssyni.

Innlent

Sárnar að vera bendlaður við líkams­á­rás

Zoltán Belányi, sundþjálfara hjá KR, sárnar að hafa ítrekað verið tengdur við líkamsárás í síðustu viku. Hann er ekki viðriðinn málið og segir að tengingin sé skaðleg fyrir mannorð sitt og orðspor.

Innlent

Freyr látinn fara frá Eflingu

Freyr Rögnvaldsson upplýsingafulltrúi Eflingar var látinn fjúka á stuttum fundi í morgun. Perla Ösp Ásgeirsdóttir framkvæmdastjóri Eflingar segir að uppsögn hans hafi ekkert með ESB eða nýafstaðna þjóðaratkvæðagreiðslu að gera.

Innlent

Segir Ingu hafa vitnað í trúnaðarsamtal

Guðmundur Ingi Kristinsson segir Ingu Sæland hafa vitnað í ráðherrasamtal sem um gildi trúnaður í ræðustól Alþingis í gær. Honum segist létt eftir að hafa birt skilaboð frá fyrrverandi aðstoðarkonu. Sannleikurinn sé staðreynd en ekki upplifun.

Innlent

Stefna á að taka inn skjól­stæðinga í næstu viku

SÁÁ stefnir á að taka inn nýja skjólstæðinga tvo daga í næstu viku en lokað hefur verið fyrir innlagnar þar ótímabundið vegna mönnunarvanda. Forstjóri stofnunarinnar segir unnið að því að leysa vandann í samstarfi við heilbrigðisyfirvöld.

Innlent

Reyna að banna arabíska stjórn­mála­flokka

Sérstök þingnefnd um kosningar meinaði í vikunni stjórnmálaflokkum landsins sem leiddir eru af Aröbum að bjóða fram í þingkosningum næsta mánaðar. Fastlega er búist við því að hæstiréttur Ísrael muni ógilda ákvörðun nefndarinnar, sem er nánast eingöngu skipuð þingmönnum.

Erlent

Mest lesið