Viðskipti innlent

Fréttir í tímaröð

Fréttamynd

„Það er ein­hvers konar pissa í skóinn sinn-hagfræði“

Það eru gríðarleg vonbrigði að verðbólga mælist ekki á niðurleið og þrálát verðbólga til lengri tíma er óviðunandi að sögn fjármála- og efnahagsráðherra. Honum hugnast þó ekki hugmyndir um að breyta opinberum gjöldum í því skyni að lækka verðbólgu. Næsta vaxtaákvörðun Seðlabankans verður um miðjan mars, og nýjasta verðbólgumæling þykir ekki til marks um að líklegt sé að meginvextir bankans verði lækkaðir.

Viðskipti innlent
Fréttamynd

Sýn skilaði hagnaði á fjórða árs­fjórðungi

Sýn hf. skilaði hagnaði á fjórða ársfjórðungi síðasta árs. Forstjóri segir árið umbreytingaár og það marki ákveðin tímamót í kjölfar ákvarðana sem renna eigi styrkari stoðum undir reksturinn. Aðgerðir stjórnenda séu að skila árangri, þrátt fyrir erfiðar aðstæður, en heilt yfir síðasta ár tapaði félagið 634 milljónum.

Viðskipti innlent
Fréttamynd

Kviku­toppar fóru fýlu­ferð í Lands­rétt og borga tugi milljóna

Íslenska ríkið hafði betur gegn fjórum fyrrverandi og tveimur núverandi lykilstjórnendum Kviku banka og bankanum sjálfum fyrir Landsrétti í dag, í deilu sem snerist um skattlagningu hagnaðar af áskriftarréttindum sem nam á bilinu 30 til 95 milljónum króna. Landsréttur taldi að telja hefði átt hagnaðinn fram sem launatekjur frekar en fjármagnstekjur.

Viðskipti innlent
Fréttamynd

Tekist á um kaupfox og hefð vegna 80 ára jeppa

Héraðsdómur Vesturlands hefur dæmt mann réttmætan eiganda bifreiðar af gerðinni Willys Jeep, sem var fyrst skráð árið 1946, þar sem hann hefur haft umráð yfir bifreiðinni síðastliðin fjörutíu ár. Skráður eigandi bifreiðarinnar taldi að sá sem seldi manninum bifreiðina hefði ekki verið eigandi hennar. Dómurinn taldi öll skilyrði hefðar uppfyllt í málinu og því kæmi ekki til álita hvort upphaflegur seljandi hefði gerst sekur um kaupfox.

Viðskipti innlent
Fréttamynd

Mikið í húfi ef ekki dregur úr verð­bólgu og vaxtalækkun ekki í sjón­máli

Það eru mikil vonbrigði að verðbólga hafi ekki lækkað í febrúar og viðbúið að stýrivextir haldist óbreyttir við næstu vaxtaákvörðun að sögn hagfræðings. Ekki sé ólíklegt að möguleg vaxtahækkun komi til umræðu fyrir næstu vaxtaákvörðun, og ef ekki takist að ná verðbólgu nær markmiði gæti virkjun forsenduákvæðis kjarasamninga verið í húfi í haust. Þá sé áhyggjuefni að verðbólguþrýstingur virðist vera á uppleið.

Viðskipti innlent
Fréttamynd

Bjarni Guð­jóns hættir hjá VÍS

Bjarni Guðjónsson hefur sagt upp störfum sem forstöðumaður fyrirtækjaviðskipta hjá VÍS samkvæmt heimildum fréttastofu. Hann hefur verið orðaður við sæti á lista Sjálfstæðismanna í komandi borgarstjórnarkosningum sem fram fara í maí og er talið að hann muni þar skipa annað sætið.

Viðskipti innlent
Fréttamynd

„Ægi­lega hamingju­samur“ með milljarðana frá Kerecis

Það er gríðarlegt ánægjuefni að fjörutíu milljarða skattgreiðsla frá Kerecis komi að óbreyttu til með að snúa við rekstri ríkissjóðs á þessu ári, að sögn fjármálaráðherra. Ekki var gert ráð fyrir tekjunum í fjármálaáætlun en ráðherra gerir ráð fyrir að peningarnir nýtist til að ná betra jafnvægi í ríkisreksturinn.

Viðskipti innlent
Fréttamynd

Hvar liggur jafn­vægið í eyðslu og sparnaði?

30 ára karl spyr: Hvernig finnur maður betur jafnvægið á milli eyðslu og sparnaðar? Ég hef haldið ítarlegt bókhald um öll föst útgjöld í excel og alla neyslu síðan ég keypti mína fyrstu íbúð 24 ára. Ég er almennt duglegur að spara og borga reglulega aukalega á lánið mitt. Hinsvegar á ég stundum erfitt með að „spreða“. Ég hugsa oft „ég ætti nú frekar að setja peninginn á lánið en að kaupa X“. Er þetta óhjákvæmileg afleiðing fjármálalæsis? Góð ráð þegin til að nota peninginn stundum í eitthvað gaman og „heimskulegt“.

Viðskipti innlent
Fréttamynd

Engin við­varandi markaðs­setning frá 2023

Viðvarandi markaðssetning stjórnvalda í ferðaþjónustu hefur ekki verið til staðar frá árinu 2023 og fjárframlög minnkuð, segir fagstjóri ferðaþjónustu hjá Íslandsstofu. Setja þurfi í samhengi hvernig ferðaþjónusta hér á landi hefur breyst á síðustu árum.

Viðskipti innlent