Heimurinn er svolítið stór 12. júlí 2004 00:01 "Þar sem eftirspurn er eftir afurðum úr íslenskum jurtum ákváðum við að bjóða upp á námskeið í tínslu og meðhöndlun þeirra meðal kvenna sem hafa aðgang að hentugu landi," segir Bjarnheiður Jóhannsdóttir, starfsmaður verkefnisins Fósturlandsins freyjur. Hún segir kennsluna verða á hendi sérfræðinga Vistfræðistofunnar og býst við að námskeiðin verði haldin á þremur stöðum á landsbyggðinni og staðsett eftir þátttöku á hverju svæði fyrir sig. Mikill áhugi sé fyrir þeim. "Á fimmta tug kvenna hefur haft samband eftir að við auglýstum. Þær eru óskaplega glaðar yfir því að eitthvað skuli vera gert á þessu sviði," segir hún. Fósturlandsins freyjur er þriggja ára verkefni á vegum atvinnu og jafnréttisráðgjafa Byggðastofnunar og er ætlað konum í dreifbýli. Bjarnheiður segir hægt að skipta þeim í þrjá hópa sem hafi haft samband vegna jurtatínslunnar. Í einum þeirra séu konur sem hafi áhuga á að tína villtan gróður. Annar hafi áhuga á að rækta og tína jurtir á jörðum sínum og í þriðja hópnum séu konur sem vilji vinna afurðir úr jurtum. "Þannig að þetta kann að hafa margfeldisáhrif þegar upp er staðið," segir hún ánægjulega og bætir við að í kjölfar námskeiðanna verði farið í þróunarvinnu með þeim konum sem áhuga hafi á því. Síðan taki við lífrænisvottun þar sem fyrirhugaðir tínslustaðir verði teknir út. En hvaða tegundum er helst sóst eftir? "Það eru til dæmis vallhumall, ætihvönn, mjaðurt, fjallagrös, smári, blóðberg, baldursbrá, klóelfting og maríustakkur," upplýsir Bjarnheiður. Hún segir tvö íslensk fyrirtæki í eigu kvenna vera í samstarfi við Freyjurnar, annað í matvælaframleiðslu og hitt í snyrtivörugeiranum og muni þau koma til með að kaupa jurtir af konum víða um land. En skyldi markaðurinn vera ótakmarkaður? "Nei, örugglega ekki en bæði fyrirtækin eru í útflutningi og heimurinn er svolítið stór," svarar hún brosandi. Aðspurð segir Bjarnheiður körlum ekki meinaður aðgangur að grasatínslunni og því síður ætlunina að stuðla að hjónaskilnuðum, þannig að hjón sem stundi þessa iðju saman séu velkomin. Hinsvegar sé verkefnið sérstaklega ætlað konum og þeim finnist það greinilega heillandi. "Hljómgrunnurinn er góður en við erum bara að stíga fyrstu skrefin." segir hún að lokum. Atvinna Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið Skrúfaði titrarann í sundur til að forða nágrönnum frá ónæði Lífið „Það er önnur hver gella með í vörunum“ Lífið Simmi Vill og Sunneva Einars létu sig ekki vanta á Jókerinn Lífið Karlmennskuhlaðvarpið heyrir sögunni til Lífið „Eini glæpur okkar var sá að verða ástfangin“ Lífið Ólafur Ragnar skellti sér á sæþotu eftir langan dag Lífið Foreldrar minnka við sig svo börnin geti keypt fyrstu eign Lífið Vill að Menendez bræðrum verði veitt frelsi Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
"Þar sem eftirspurn er eftir afurðum úr íslenskum jurtum ákváðum við að bjóða upp á námskeið í tínslu og meðhöndlun þeirra meðal kvenna sem hafa aðgang að hentugu landi," segir Bjarnheiður Jóhannsdóttir, starfsmaður verkefnisins Fósturlandsins freyjur. Hún segir kennsluna verða á hendi sérfræðinga Vistfræðistofunnar og býst við að námskeiðin verði haldin á þremur stöðum á landsbyggðinni og staðsett eftir þátttöku á hverju svæði fyrir sig. Mikill áhugi sé fyrir þeim. "Á fimmta tug kvenna hefur haft samband eftir að við auglýstum. Þær eru óskaplega glaðar yfir því að eitthvað skuli vera gert á þessu sviði," segir hún. Fósturlandsins freyjur er þriggja ára verkefni á vegum atvinnu og jafnréttisráðgjafa Byggðastofnunar og er ætlað konum í dreifbýli. Bjarnheiður segir hægt að skipta þeim í þrjá hópa sem hafi haft samband vegna jurtatínslunnar. Í einum þeirra séu konur sem hafi áhuga á að tína villtan gróður. Annar hafi áhuga á að rækta og tína jurtir á jörðum sínum og í þriðja hópnum séu konur sem vilji vinna afurðir úr jurtum. "Þannig að þetta kann að hafa margfeldisáhrif þegar upp er staðið," segir hún ánægjulega og bætir við að í kjölfar námskeiðanna verði farið í þróunarvinnu með þeim konum sem áhuga hafi á því. Síðan taki við lífrænisvottun þar sem fyrirhugaðir tínslustaðir verði teknir út. En hvaða tegundum er helst sóst eftir? "Það eru til dæmis vallhumall, ætihvönn, mjaðurt, fjallagrös, smári, blóðberg, baldursbrá, klóelfting og maríustakkur," upplýsir Bjarnheiður. Hún segir tvö íslensk fyrirtæki í eigu kvenna vera í samstarfi við Freyjurnar, annað í matvælaframleiðslu og hitt í snyrtivörugeiranum og muni þau koma til með að kaupa jurtir af konum víða um land. En skyldi markaðurinn vera ótakmarkaður? "Nei, örugglega ekki en bæði fyrirtækin eru í útflutningi og heimurinn er svolítið stór," svarar hún brosandi. Aðspurð segir Bjarnheiður körlum ekki meinaður aðgangur að grasatínslunni og því síður ætlunina að stuðla að hjónaskilnuðum, þannig að hjón sem stundi þessa iðju saman séu velkomin. Hinsvegar sé verkefnið sérstaklega ætlað konum og þeim finnist það greinilega heillandi. "Hljómgrunnurinn er góður en við erum bara að stíga fyrstu skrefin." segir hún að lokum.
Atvinna Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið Skrúfaði titrarann í sundur til að forða nágrönnum frá ónæði Lífið „Það er önnur hver gella með í vörunum“ Lífið Simmi Vill og Sunneva Einars létu sig ekki vanta á Jókerinn Lífið Karlmennskuhlaðvarpið heyrir sögunni til Lífið „Eini glæpur okkar var sá að verða ástfangin“ Lífið Ólafur Ragnar skellti sér á sæþotu eftir langan dag Lífið Foreldrar minnka við sig svo börnin geti keypt fyrstu eign Lífið Vill að Menendez bræðrum verði veitt frelsi Lífið Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira