Um 2,4 milljarðar í sjúkraþjálfun

Áætlað er að Tryggingastofnun muni greiða um 1,4 milljarða króna vegna sjúkraþjálfunar á þessu ári, að því er fram kemur á fréttavef stofnunarinnar. Er það rúmum milljarði meira heldur en hún greiddi af sömu sökum fyrir tíu árum. Orsakir þessarar aukningar eru sagðar margþættar. Viðhorf lækna og sjúklinga til sjúkraþjálfunar hafi breyst. Sjúkrahús hafi í auknum mæli útskrifað sjúklinga fyrr en áður og endurhæfing þeirra því flust yfir til sjúkraþjálfara. Þá hafi öryrkjum fjölgað umtalsvert, sem er talinn hluti skýringar á auknum kostnaði TR vegna sjúkraþjálfunarinnar.