Áfram í gæsluvarðhaldi

Gæsluvarðhald yfir 48 ára manni, sem skar leigubílstjóra á háls í lok júlí, hefur verið framlengt til áttunda desember. Lögreglan í Reykjavík krafðist þess að gæsluvarðhaldið yrði framlengt vegna alvarleika árásarinnar. Leigubílstjórinn útskrifaðist af sjúkrahúsi á þriðjudaginn fyrir viku síðan. Skurðurinn var sextán sentímetra langur og þurfti að sauma 56 spor í háls leigubílstjórans. Mikil mildi þótti að ekki hefði farið verr. Maðurinn hefur setið í gæsluvarðhaldi frá 27. júlí.