1 bolli mjólk eða léttmjólk
1/2 bolli litlir sykurpúðar
1/2 teskeið vanilludropar
1 matskeið hlynsíróp
Hitið mjólkina í litlum potti. Setjið sykurpúða, vanilludropa og síróp í hitabrúsa og hellið heitri mjólkinni varlega yfir. Setjið lokið á og hristið brúsann í svona 20 sekúndur eða þar til blandan er farin að freyða og sykurpúðarnir eru bráðnaðir. Opnið varlega, hellið í krús og berið fram.
Indverskt mjólkurte
4 bollar vatn
8 negulnaglar
4 heilar kardimommur
1 teskeið fenníkufræ
1 kanilstöng
5 cm sneið af ferskum engifer
3 pokar af Darjeeling-te eða 3 matskeiðar af Darjeeling-telaufum
1 bolli léttmjólk eða fjörmjólk
1/4 bolli sykur
Blandið saman kryddi og vatni í meðalstóran pott og látið suðuna koma upp. Lækkið hitann, setjið lokið á og látið malla í tíu mínútur. Bætið tepokunum út í og takið pottinn af hellunni. Lokið aftur og mallið í hálftíma. Síið svo vökvann ofan í annan pott og bætið sykri og mjólk í. Sjóðið aftur þar til sykurinn leysist alveg upp. Hellið í fjórar könnur eða há kaffiglös og skreytið með kanilstöngum og appelsínuberki.
Hnetuhristingur
1 bolli kekkjalaust hnetusmjör
1/4 bolli súkkulaðisíróp
1 1/4 bolli mjólk
12 ísmolar
Blandið saman hnetusmjöri, súkkulaðisírópi, mjólk og ísmolum í matvinnsluvél. Hellið í há glös og skreytið með súkkulaðispænum.
Hollur morgunhristingur
3 bollar undanrenna
1/4 bolli All Bran
1/4 teskeið kanill
1/2 teskeið vanilludropar
1 meðalstórt epli í sneiðum
Frystið 2 1/2 bolla af undanrennu í ísmolabakka yfir nótt. Setjið All Bran, kanil, vanilludropa og epli í matvinnsluvél og blandið saman við 1/2 bolla af undanrennu. Blandið saman í 20 sekúndur. Bætið frosnu undanrennumolunum einum af öðrum út í hristinginn þar til ákjósanlegri áferð er náð, en hún fer eftir smekk hvers og eins. Geymið afganginn frosinn til seinni nota. Í staðinn fyrir epli má nota hvaða ávexti sem er.
