Léttur ilmur fyrir ástina

Clarins kynnti á dögunum nýjan ilm sem ber heitið Par Amour. Þetta er léttur og kvenlegur ilmur þar sem blandast saman létt berjaangan, rósailmur og aðeins ákveðnari ilmur af sandalviði. Mikil alúð var lögð við hönnun glassins og umbúðanna en tákn ilmsins er ævintýralegt tré með eldrauðum laufum, en listamaðurinn, Liliana Guderska, er fyrrverandi fyrirsæta. Glasið er sporöskjulagað og tappinn eldrautt hjarta enda þýðir Par Amour: fyrir ástina. Samhliða Par Amour kemur annar ilmur, svipaður en léttari sem nefnist Par Amour Toujours og ber hann ljúfa angan af greipávexti og rósum. Til aðgreiningar frá Par Amour er glasið og umbúðirnar bleikt en ekki rautt, sem leggur áherslu á æsku og léttleika Par Amour toujours. Par Amour fæst í 30, 50 og 100 mililítra flöskum en Par Amour Toujours í 30 og 50 millilítra flöskum.