Bíður niðurstöðu ráðuneytis

"Þetta er framkvæmdaáætlun upp á 1,8 - 2 milljarða króna," sagði hann. "Hluta verður varið í verulegar endurbætur á fangelsunum á Akureyri, Litla - Hrauni og Kvíabryggju. Þá er áætlað að bygging nýs fangelsis á Hólmsheiði kosti 1,2 milljarða." Eins og fram hefur komið í Fréttablaðinu er gert ráð fyrir að á Hólmsheiði verði reist öryggis- og vinnufangelsi. Þar verði afeitrunar- og meðferðardeild, sjúkradeild og gæsluvarðhaldsdeild. Þar verði hægt að gera menn hæfa til að fara í meðferð í upphafi afplánunar og ljúka henni án vímuefna. Valtýr sagði að allt væri undir fangelsismálunum nú. Frumvarpið sem lægi fyrir Alþingi gerði ráð fyrir breyttri stefnu og áherslum. Vonandi færi að skýrast hvernig því reiddi af, en það væri nú í allsherjarnefnd.