Endaði sár á spítala

Eftirför lögreglunnar á Selfossi vegna ökumanns sem sinnti í engu stöðvunarmerkjum endaði með því að viðkomandi ók bíl sínum útaf og þurfti að flytja hann á slysadeild. Var ökumaðurinn grunaður um ölvun og hóf lögregla því eftirför en þess var gætt að halda góðri fjarlægð enda rásaði bíll mannsins mikið og krappar og erfiðar beygjur eru á Þorlákshafnarvegi. Fór þó svo að við gatnamót Eyrarbakka- og Þorlákshafnarvegar náði ökumaðurinn ekki beygju með þeim afleiðingum að hann ók út af og endaði á kletti fimmtán metrum frá veginum. Var hann fluttur á slysadeild en meiðsl hans reyndust ekki alvarleg.