Ragnhildur setti vallarmet
Ostamótið í golfi var haldið á Akranesi um helgina, en mótið er liður í Toyota-mótaröðinni í sumar. Í kvennaflokki sigraði Ragnhildur Sigurðardóttir úr GK nokkuð örugglega, en hún lék síðari hring sinn á mótinu í gær á tveimur höggum undir pari eða sjötíu höggum, sem er vallarmet. Ragnhildur lauk keppni á 151 höggi, en í öðru sæti varð Nína Björk Geirsdóttir úr GK á 158 höggum og Helena Árnadóttir varð í þriðja sæti á 163 höggum.Í karlaflokki varð Auðunn Einarsson úr GK sem vann nauman sigur á Sigurpáli Sveinssyni úr GJK þegar hann lauk keppni í gær á fjórum höggum yfir pari, en aðeins eitt högg skyldi þá félaga að þegar upp var staðið. Þetta var fyrsti sigur Auðuns á Toyota-mótaröðinni.
