Talinn hafa berað kynfæri sín

Karlmaður um þrítugt var handtekinn í Reykjavík í gærkvöldi grunaður um að hafa berað kynfæri sín fyrir framan tvær níu ára gamlar stúlkur í suðvesturhluta borgarinnar í gær. Ekki er enn ljóst hvort um sama mann hafi verið að ræða en lögreglan rannsakar málið. Maðurinn gaf sig á tal við tvær stúlkur á Eggertsgötu en þær eru fæddar árin 1995 og 1996. Stúlkurnar telja manninn vera um þrítugt, með ljósskollitað stuttklippt hár. Hann var klæddur í svarta peysu og ljósar gallabuxur. Stúlkurnar voru á gangi þegar maðurinn gaf sig á tal við aðra þeirra og renndi niður annari buxnaklaufinni og beraði kynfæri sín. Stúlkurnar hlupu á brott og var lögreglu gert viðvart klukkan rétt rúmlega sex í gær. Flassarar eins og menn sem þessi eru gjarnan kallaðir nást sjaldnast að sögn lögreglu. Geir Jón Þórisson, yfirlögregluþjónn í Reykjavík, vill beinir þeim tilmælum til foreldra að brýna fyrir börnum sínum að gefa sig ekki á tal við ókunnuga. Eins biður hann alla þá sem upplýsingar geta veitt um málið að hafa samband við lögreglu. Óttar Guðmundsson geðlæknir segir menn sem þessa sjaldnast vera hættulega og segir þá oft vera hálf lamaða af ótta eftir slíkan verknað. Það sé fámennur hópur karlmanna sem virðast fá eitthvað út úr því að sýna konum eða stúlkum kynfæri sín á þennan á þennan hátt. Hann segir ekki vitað hvað fær menn til þessa en það er flokkað sem hluti af afbrigðilegu kynlífi.