Owen segir mörkin á næsta leiti

Michael Owen hjá Newcastle segir að stutt sé í að hann og Alan Shearer fari að raða inn mörkunum í ensku úrvalsdeildinni og spáir því að þeir félagar eigi eftir að verða öflugt framherjapar. "Liðið sem heild náði sér ekki á strik á laugardaginn og það getur enginn unnið fótboltaleiki upp á eigin spítur. Þegar liðið er ekki að spila vel, spila framherjarnir ekki vel, en ég veit að það á eftir að koma laugardagur eftir þennan. Þetta hefur klárlega ekki verið neitt sérstaklega skemmtileg vika, með tapinu hjá landsliðinu og svo þetta jafntefli okkar á heimavelli, en ég veit að hlutirnir eiga eftir að batna hjá okkur," sagði Owen.