Illugi Jökulsson, fyrrverandi ritstjóri DV, og Mikael Torfason, ritstjóri DV, voru sýknaðir af miskabótakröfu Ástþórs Magnússonar vegna skrifa í DV en nokkur ummæli sem féllu um Ástþór dæmd ómerk.
Þeir Mikael og Illugi voru dæmdir til að greiða 50 þúsund krónur hvor í sektir í ríkissjóð og málflutningskostnað Ástþórs Magnússonar. Símon Birgisson, þáverandi blaðamaður á DV, var sýknaður af sínum hluta málsins sem og fyrirtækið, 365 prentmiðlar.
Ummælin sem voru dæmd ómerk eru þessi:
"Börn látin skrifa undir vafasamt plagg – Ástþór notar börn til að ná völdum." og "Ástþór mun vera fastakúnni á barnum."
