Veðbankinn opnaður

Landsbankinn, Icelandair og Vísir eru styrktaraðilar Íslensku tónlistarverðlaunanna sem verða afhent í Þjóðleikhúsinu 2. febrúar 2005. Þessi fyrirtæki standa nú fyrir þeirri nýjung að bjóða almenningi að giska á hver vinnur í hverjum flokki og eru vegleg verðlaun í boði fyrir þann sem nær flestum réttum. Einnig er hægt að taka þátt í kosningu á vinsælasta flytjanda íslands með netkosningu á visir.is og verða sérstök verðlaun veitt í þessum flokki á hátíðinni.

Vinsælasti flytjandinn - Val almennings

Vísir annast almenna netkosningu í vali á vinsælasta flytjanda ársins sem hægt er að velja úr hópi þeirra sem hlutu tilnefningu í Popp og Rokk-flokki og Jazzflokki. Netkosning á Vísi stendur til klukkan 18:00 að kvöldi þriðjudagsins 1. febrúar. Að morgni 2. febrúar hefst síma- og SMS-kosning og stendur valið þá á milli þeirra sem verða í fimm efstu sætunum í netkosningunni. Niðurstaðan í vali almennings á vinsælasta flytjanda ársins 2004 verður síðan kynnt í lok útsendingar frá hátíðarsamkomu tónlistarmanna í Þjóðleikhúsinu. Þátttakendur í kosningunni fara í pott sem dregið verður úr að kvöldi 1. febrúar. Tveir heppnir þátttakendur fá miða fyrir tvo á hátíð Íslensku tónlistarverðlaunanna.

Veðbanki - Vinningur á tónleika með U2 í Kaupmannahöfn

Dómnefndir hafa valið verk og flytjendur í fjórum flokkum 1) Popp og Rokk-flokki, 2) Sígild tónlist og samtíma tónlist, 3) Jazzflokki og 4) önnur verðlaun.

Nú hefur Í FYRSTA SINN verið opnaður ?veðbanki? á Vísi í tengslum við Íslensku tónlistarverðlaunin en þar gefst kostur á að spá fyrir um úrslit í öllum flokkum.

Sá eða sú sem kemst næst því að spá fyrir um verðlaunahafa hlýtur að launum ferð til Kaupmannahafnar með Icelandair ásamt gistingu fyrir tvo, miða á tónleika með U2 á Parken og 2000 krónur danskar í gjaldeyri frá Landsbankanum.

Upplýsingar um vinningshafa verða birtar hér á Vísi föstudaginn 4. febrúar 2005.