Tíu ára öku-maður tekinn

Tveir ástralskir bræður, sex og tíu ára gamlir, voru teknir einir á ferð í bíl á einum fjölfarnasta þjóðvegi Ástralíu á dögunum. Drengirnir ætluðu í óvænta heimsókn til afa síns, sem býr í um hundrað kílómetra fjarlægð frá heimili bræðranna. Fréttavefur breska ríkisútvarpsins greindi frá þessu.

Eldri bróðirinn hafði ekið um tvo þriðju hluta leiðarinnar í sjálfskiptum bíl ömmu sinnar þegar lögreglan stöðvaði þá.

Lögreglan sagði drenginn hafa ekið mun betur en margan annar ökumanninn með réttindi. Hann fékk áminningu og sagðist lögreglan búast við því að fjölskyldan myndi sjá um frekari refsingu.