Fá Bellamy og Dirk Kuyt?

Enskir fjölmiðlar greindu frá því í gær að Rafael Benítez ætli að bjóða sex milljónir punda í velska sóknarmanninn Craig Bellamy. Hann er með klásúlu í samningi sínum hjá Blackburn sem segir að lið geti keypt hann á sex milljónir, komi boðið fyrir 30. júní næstkomandi.

Eftir að Djibril Cisse fótbrotnaði og fyrirhuguð sala á honum féll upp fyrir minnkuðu fjármunir Benítez til leikmannakaupa en samt sem áður er talið að hann ætli sér að fá bæði Bellamy og Dirk Kuyt til liðsins. Kuyt leikur með Feyenoord en Liverpool hafa lengi haft augastað á framherjanum.

Liverpool seldi Fernando Morientes til Valencia í sumar og leiða má líkur að því að liðið kaupi tvo sóknarmenn til liðsins.