Vitni ræðst á ákærða

Filippseysk kona réðst á bandarískan hermann í dómssal í Filippseyjum í gær, en maðurinn er ákærður fyrir að hafa nauðgað henni í nóvember síðastliðnum.

Konan réðst á manninn þegar hún var á leið í vitnastúkuna, og sagði móðir hennar að maðurinn hefði reynt að fella hana.

Hermaðurinn bar þær ásakanir af sér, sem og þær að hann hafi nauðgað stúlkunni. Þrír aðrir hermenn eru sakaðir um að hafa hvatt hann til gjörðarinnar.

Eftir að lögmaður stúlkunnar hafði róað hana, héldu réttarhöldin áfram.

Hermennirnir geta átt von á allt að 40 ára fangelsi, verði þeir fundnir sekir.