Genfarsáttmáli verður virtur

Bandaríkjastjórn hefur tilkynnt að allir fangar í gæslu Bandaríkjahers verði héðan í frá meðhöndlaðir í samræmi við lágmarksstaðla Genfarsáttmálans. Þetta þýðir að fangar í Guantanamoherstöðinni verða ekki sóttir til saka fyrir herdómstólum eins og Bush-stjórnin hafði áætlað.

Ákvörðunin var tilkynnt í gær, tveimur vikum eftir að Hæstiréttur Bandaríkjanna úrskurðaði að Bush-stjórnin hefði ekki rétt til að skipa herdómstóla, á þeim forsendum að slíkt væri hvorki í samræmi við alþjóðarétt né gert með leyfi Bandaríkjaþings.