Rafmagnslaust sex daga í röð

 Rafmagnslaust var í Queens-hverfi í New York í gær, sjötta daginn í röð.

Michael Bloomberg, borgarstjóri í New York, sagði að rafmagn hefði farið af hjá um fimmtán til tuttugu þúsund notendum, en það þýðir að allt að hundrað þúsund manns séu án rafmagns. Mörg fyrirtæki og heimili hafa verið rafmagnslaus síðan á mánudag og ekki er talið að viðgerðum verði lokið fyrr en í næstu viku.

Þrumuveður á föstudag hamlaði aðgerðum og olli skemmdum á rafmagnslínum sem þegar var búið að laga. Borgarstjórinn segir að sífellt fleiri skemmdir finnist í rafmagnleiðslum hverfisins og kallað hefur verið eftir aðstoð viðgerðarmanna úr öðrum ríkjum.-