Tveir tapleikir hjá Íslandi

Íslenska karlalandsliðið í körfubolta tapaði í gær fyrir Svíum með tólf stiga mun á Norðurlandamótinu í körfubolta sem fram fer í Finnlandi þessa dagana. Íslenska liðið tapaði fyrir heimamönnum í fyrsta leik liðsins á mótinu í fyrradag.

Logi Gunnarsson var stigahæstur íslenska liðsins með 24 stig en Páll Axel Vilbergsson kom næstur með sautján. Páll var einnig með flest fráköst Íslendinganna, sex talsins.

Gegn Finnum var Magnús Þór Gunnarsson stigahæstur með átján stig en Páll Axel gerði fjórtán. Þeim leik lauk með 81-73 sigri Finna.