Garðar skoraði þrennu

Garðar Gunnlaugsson hefur látið vel til sín taka í sænsku 1. deildinni eftir að hann kom til Norrköping um mitt sumar. Hann skoraði tíu mörk í fjórtán leikjum á tímabilinu, þar af þrennu í lokaumferðinni er Norrköping vann Qviding, 5-0. Stefán Þór Þórðarson skoraði eitt mark og varð markahæsti maður liðsins með tólf mörk. Trelleborg og Örebro tryggðu sér úrvalsdeildarsætin sem í boði voru, það síðarnefnda eftir að Brommapojkarna frá Stokkhólmi tapaði sínum leik í lokaumferðinni. Það lið þarf nú að spila við liðið sem lendir í þriðja neðsta sæti úrvalsdeildarinnar um laust sæti í deildinni á næsta tímabili.