Kynna íslenskt fjármálalíf erlendis 8. nóvember 2006 00:01 Frá stofnfundi fjármálafyrirtækja Bjarni Ármannsson, forstjóri Glitnis og formaður nýrra samtaka fjármálafyrirtækja, gerði grein fyrir markmiði samtakanna á stofnfundi í gær. Þau taka til starfa 1. janúar á næsta ári. MYND/Vilhelm Samtök banka- og verðbréfafyrirtækja (SBV), Samband íslenskra tryggingafélaga (SÍT) og Samband íslenskra sparisjóða (SÍSP) hafa ákveðið að sameinast undir einum hatti í Samtökum fjármálafyrirtækja frá og með næstu áramótum. Formenn samtakanna undirrituðu samkomulag þess efnis á stofnfundi í gær. Tilgangur samtakanna er meðal annars að vera málsvari fjármálafyrirtækja í hagsmunamálum þeirra, stuðla að samkeppnishæfum starfsskilyrðum íslenskra fjármálafyrirtækja, taka þátt í erlendu hagsmunasamstarfi og auka skilning á mikilvægi fjármálafyrirtækja fyrir íslenskan efnahag. Bjarni Ármannsson, forstjóri Glitnis, sem kjörinn var formaður samtakanna, sagði samtökin hafa meiri slagkraft en núverandi samtök til að koma að mótun laga og reglna fyrir fjármálamarkað í samstarfi við stjórnvöld og alþjóðlegar stofnanir. Munu aðilar samtakanna meðal annars eiga sæti í nefndum og ráðum tengdum fjármálamarkaðinum, Fjármálaeftirliti og Samkeppnisstofnun svo eitthvað sé nefnt. Þá lagði hann enn fremur áherslu á að starfsumhverfi fjármálafyrirtækja hér á landi verði áfram samkeppnishæft.Bylting í fjármálastarfsemiBjarni sagði breytingar á innlendum fjármálamarkaði hér á landi byltingu líkasta. „Íslenskur fjármálamarkaður hefur vaxið hraðar en nokkur önnur atvinnugrein á undanförnum árum. Dæmi um það er að heildareignir fyrirtækja í greininni hafa sexfaldast á síðastliðnum fimm árum og framlag til landsframleiðslu er orðið meira en framlag sjávarútvegs,“ sagði hann og benti á að engin atvinnugrein greiði jafn mikla skatta til þjóðarbúsins og fjármálafyrirtækin.„Fjármálageirinn er orðinn drifkraftur framþróunar á Íslandi og hefur stuðlað verulega að því að Ísland er í hópi auðugustu þjóða heims,“ sagði Bjarni og bætti við að nokkrir þættir í sögu Íslands á seinni árum hefðu leyst fjármálageirann úr viðjum fortíðar og ríkisforsjár í nokkrum áföngum. Þar skipar inngangan í Evrópska efnahagssvæðið (EES) og hlutafjár- og einkavæðing stóran sess. „Þessi skref lögðu grunninn að þeirri stöðu sem við erum í nú,“ sagði hann og benti á að starfsemi Íbúðalánasjóðs, sem er í ríkiseigu, væri merki um að ekki væri búið að stíga skrefin til fulls.Þá gerði Bjarni grein fyrir hlutverki Samtaka fjármálafyrirtækja og sagði þau meðal annars beita sér fyrir því að heilbrigt umhverfi ríki í málefnum aðildarfélaga hvað jafna aðstöðu til samkeppni snerti og lagði áherslu á að ríkið þyrfti að hætta þátttöku á fjármálamarkaði. Bjarni benti enn fremur á að íslensk fjármálafyrirtæki hefðu bæði hratt og stöðugt verið að færa sig út á breiðari svið samkeppnisvallarins, ekki síst utan landsteina, og því væri veruleg þörf fyrir samtök á borð við þau sem tækju til starfa um áramótin.„Hagsmunabaráttan verður mikilvægari með hverju árinu sem líður með systurfélögum okkar í Evrópu því íslensk lagasetning byggist að einhverju leyti á tilmælum frá Brussel,“ sagði Bjarni en Samtök fjármálafyrirtækja munu meðal annars verða virkur þátttakandi í alþjóðlegum og evrópskum banka- og tryggingasamtökum.Ísland á alþjóða fjármálakortinuÞá sagði Bjarni greinilegt að íslensk fjármálastarfsemi væri komin á kortið í öðrum löndum, ekki síst á þessu ári, enda væri áhugi erlendra aðila á íslenskum fjármálamarkaði kominn til að vera. „Ólgusjórinn sem reið yfir okkur fyrr á þessu ári endurspeglaði mikilvægi þess að fyrir liggi greinargóðar upplýsingar um fjármálamarkaðinn og ekki síður mikilvægi þess að þeim upplýsingum verði komið á framfæri til réttra aðila,“ sagði Bjarni og lagði áherslu á að Samtök fjármálafyrirtækja muni gera það í meiri mæli en nú.Þá sagði hann íslenska fjármálaþjónustu hérlendis til einstaklinga og fyrirtækja koma vel út úr alþjóðlegum samanburði og vera á heimsmælikvarða. Samtökin væru stolt af því og munu efla það enn frekar.Liður í því er að safna tölulegum upplýsingum um íslenskan fjármálamarkað og koma þeim á framfæri þannig að þær væru aðgengilegar fjármálafyrirtækjum og öðrum, svo sem almenningi og fjölmiðlum hér heima og erlendis auk þess sem horft sé til þess að styrkja ásýnd og bæta ímynd fjármálafyrirtækja víðar en nú. „Þetta mun að okkar mati auka skilning almennings á eðli fjármálastarfsemi og mikilvægi hennar fyrir þjóðarbúið,“ sagði Bjarni. „Mér sýnist við eiga nokkuð í land að ná til allra. Allavega fannst mér þær vera nokkuð kaldar kveðjurnar til þeirra tæpu 7.000 starfsmanna sem vinna á vegum fjármálafyrirtækja þegar þeir voru kallaðir drengir og stúlkur í silkifötum, sem fólki mætti vera nokk sama hvort ynni hér á landi eða annars staðar. Hæfileikar þeirra og menntun gætu þar með nýst öðrum og í öðru landi,“ sagði Bjarni Ármannsson. Fréttaskýringar Undir smásjánni Viðskipti Mest lesið Þótti baðherbergið ógeðslegt og fór frá Íslandi Neytendur „Frekar kvöldsvæfur heldur en morgunfúll“ Atvinnulíf Atvinnumissir: „Það var rosa skrýtið að lenda í þessu“ Atvinnulíf „En það hefur líka margt fallegt komið út úr þessu“ Atvinnulíf Samþykktu allt að 45 prósent toll á kínverska rafbíla Viðskipti erlent Vaxtalækkun hænuskref í rétta átt en ekki megi gleyma nýlegum hækkunum Neytendur Samið um lok umfangsmikils verkfalls hafnarverkamanna Viðskipti erlent Misbauð meðferð á hundunum og mátti hætta á námskeiði Neytendur Landsbankinn rekur lestina og lækkar vexti Viðskipti innlent Bogi og Linda kaupa af Heimum fyrir milljarða Viðskipti innlent Fleiri fréttir Bankarnir verði að lækka vexti jafnhratt og þeir hækkuðu Landsbankinn rekur lestina og lækkar vexti Loks opnað fyrir umsóknir um hlutdeildarlán Bogi og Linda kaupa af Heimum fyrir milljarða Borgin fær milljarða fyrir síðasta þéttingarreit miðborgarinnar Bein útsending: Viðtöl við sérfræðinga um mannauðsmál Uppreisnarleiðtogi snýr heim og tekur við rekstri Hríseyjarbúðarinnar Sýna áhuga á eignum Skagans 3X Indó lækkar líka vexti Íslandsbanki bregst sömuleiðis við stýrivaxtalækkuninni Arion fyrstur til að tilkynna lækkun Engar hópuppsagnir í september Rekstur Rammagerðarinnar gaf vel í fyrra Mikilvægt að íslenskan sé hluti af hverri tæknibyltinguu Gerir óþægilegt samtal auðveldara Þessir sprotar taka þátt í Startup SuperNova í ár Skiltið skuli fjarlægt „Við erum ekki komin á húrrandi ferð niður Esjuna“ Anna Fríða snýr sér að sælgætinu Vaxtahækkun bankanna vó þungt í ákvörðun Ásgeirs Culiacan lokað á Suðurlandsbraut Efla fjármálin með Elfu Herferð í boði Ernu Hreins og Önnu Margrétar Hvíta húsið og Ennemm segja upp fólki Telur ljóst að vaxtalækkunarferlið sé hafið Eirberg hættir með verslunina í Kringlunni í kjölfar brunans Bein útsending: Ásgeir og Rannveig rökstyðja lækkunina Lækkar stýrivextina í fyrsta sinn síðan í árslok 2020 Ekki útilokað að stýrivextir lækki Gengið frá sölu á hluta Endor Sjá meira
Samtök banka- og verðbréfafyrirtækja (SBV), Samband íslenskra tryggingafélaga (SÍT) og Samband íslenskra sparisjóða (SÍSP) hafa ákveðið að sameinast undir einum hatti í Samtökum fjármálafyrirtækja frá og með næstu áramótum. Formenn samtakanna undirrituðu samkomulag þess efnis á stofnfundi í gær. Tilgangur samtakanna er meðal annars að vera málsvari fjármálafyrirtækja í hagsmunamálum þeirra, stuðla að samkeppnishæfum starfsskilyrðum íslenskra fjármálafyrirtækja, taka þátt í erlendu hagsmunasamstarfi og auka skilning á mikilvægi fjármálafyrirtækja fyrir íslenskan efnahag. Bjarni Ármannsson, forstjóri Glitnis, sem kjörinn var formaður samtakanna, sagði samtökin hafa meiri slagkraft en núverandi samtök til að koma að mótun laga og reglna fyrir fjármálamarkað í samstarfi við stjórnvöld og alþjóðlegar stofnanir. Munu aðilar samtakanna meðal annars eiga sæti í nefndum og ráðum tengdum fjármálamarkaðinum, Fjármálaeftirliti og Samkeppnisstofnun svo eitthvað sé nefnt. Þá lagði hann enn fremur áherslu á að starfsumhverfi fjármálafyrirtækja hér á landi verði áfram samkeppnishæft.Bylting í fjármálastarfsemiBjarni sagði breytingar á innlendum fjármálamarkaði hér á landi byltingu líkasta. „Íslenskur fjármálamarkaður hefur vaxið hraðar en nokkur önnur atvinnugrein á undanförnum árum. Dæmi um það er að heildareignir fyrirtækja í greininni hafa sexfaldast á síðastliðnum fimm árum og framlag til landsframleiðslu er orðið meira en framlag sjávarútvegs,“ sagði hann og benti á að engin atvinnugrein greiði jafn mikla skatta til þjóðarbúsins og fjármálafyrirtækin.„Fjármálageirinn er orðinn drifkraftur framþróunar á Íslandi og hefur stuðlað verulega að því að Ísland er í hópi auðugustu þjóða heims,“ sagði Bjarni og bætti við að nokkrir þættir í sögu Íslands á seinni árum hefðu leyst fjármálageirann úr viðjum fortíðar og ríkisforsjár í nokkrum áföngum. Þar skipar inngangan í Evrópska efnahagssvæðið (EES) og hlutafjár- og einkavæðing stóran sess. „Þessi skref lögðu grunninn að þeirri stöðu sem við erum í nú,“ sagði hann og benti á að starfsemi Íbúðalánasjóðs, sem er í ríkiseigu, væri merki um að ekki væri búið að stíga skrefin til fulls.Þá gerði Bjarni grein fyrir hlutverki Samtaka fjármálafyrirtækja og sagði þau meðal annars beita sér fyrir því að heilbrigt umhverfi ríki í málefnum aðildarfélaga hvað jafna aðstöðu til samkeppni snerti og lagði áherslu á að ríkið þyrfti að hætta þátttöku á fjármálamarkaði. Bjarni benti enn fremur á að íslensk fjármálafyrirtæki hefðu bæði hratt og stöðugt verið að færa sig út á breiðari svið samkeppnisvallarins, ekki síst utan landsteina, og því væri veruleg þörf fyrir samtök á borð við þau sem tækju til starfa um áramótin.„Hagsmunabaráttan verður mikilvægari með hverju árinu sem líður með systurfélögum okkar í Evrópu því íslensk lagasetning byggist að einhverju leyti á tilmælum frá Brussel,“ sagði Bjarni en Samtök fjármálafyrirtækja munu meðal annars verða virkur þátttakandi í alþjóðlegum og evrópskum banka- og tryggingasamtökum.Ísland á alþjóða fjármálakortinuÞá sagði Bjarni greinilegt að íslensk fjármálastarfsemi væri komin á kortið í öðrum löndum, ekki síst á þessu ári, enda væri áhugi erlendra aðila á íslenskum fjármálamarkaði kominn til að vera. „Ólgusjórinn sem reið yfir okkur fyrr á þessu ári endurspeglaði mikilvægi þess að fyrir liggi greinargóðar upplýsingar um fjármálamarkaðinn og ekki síður mikilvægi þess að þeim upplýsingum verði komið á framfæri til réttra aðila,“ sagði Bjarni og lagði áherslu á að Samtök fjármálafyrirtækja muni gera það í meiri mæli en nú.Þá sagði hann íslenska fjármálaþjónustu hérlendis til einstaklinga og fyrirtækja koma vel út úr alþjóðlegum samanburði og vera á heimsmælikvarða. Samtökin væru stolt af því og munu efla það enn frekar.Liður í því er að safna tölulegum upplýsingum um íslenskan fjármálamarkað og koma þeim á framfæri þannig að þær væru aðgengilegar fjármálafyrirtækjum og öðrum, svo sem almenningi og fjölmiðlum hér heima og erlendis auk þess sem horft sé til þess að styrkja ásýnd og bæta ímynd fjármálafyrirtækja víðar en nú. „Þetta mun að okkar mati auka skilning almennings á eðli fjármálastarfsemi og mikilvægi hennar fyrir þjóðarbúið,“ sagði Bjarni. „Mér sýnist við eiga nokkuð í land að ná til allra. Allavega fannst mér þær vera nokkuð kaldar kveðjurnar til þeirra tæpu 7.000 starfsmanna sem vinna á vegum fjármálafyrirtækja þegar þeir voru kallaðir drengir og stúlkur í silkifötum, sem fólki mætti vera nokk sama hvort ynni hér á landi eða annars staðar. Hæfileikar þeirra og menntun gætu þar með nýst öðrum og í öðru landi,“ sagði Bjarni Ármannsson.
Fréttaskýringar Undir smásjánni Viðskipti Mest lesið Þótti baðherbergið ógeðslegt og fór frá Íslandi Neytendur „Frekar kvöldsvæfur heldur en morgunfúll“ Atvinnulíf Atvinnumissir: „Það var rosa skrýtið að lenda í þessu“ Atvinnulíf „En það hefur líka margt fallegt komið út úr þessu“ Atvinnulíf Samþykktu allt að 45 prósent toll á kínverska rafbíla Viðskipti erlent Vaxtalækkun hænuskref í rétta átt en ekki megi gleyma nýlegum hækkunum Neytendur Samið um lok umfangsmikils verkfalls hafnarverkamanna Viðskipti erlent Misbauð meðferð á hundunum og mátti hætta á námskeiði Neytendur Landsbankinn rekur lestina og lækkar vexti Viðskipti innlent Bogi og Linda kaupa af Heimum fyrir milljarða Viðskipti innlent Fleiri fréttir Bankarnir verði að lækka vexti jafnhratt og þeir hækkuðu Landsbankinn rekur lestina og lækkar vexti Loks opnað fyrir umsóknir um hlutdeildarlán Bogi og Linda kaupa af Heimum fyrir milljarða Borgin fær milljarða fyrir síðasta þéttingarreit miðborgarinnar Bein útsending: Viðtöl við sérfræðinga um mannauðsmál Uppreisnarleiðtogi snýr heim og tekur við rekstri Hríseyjarbúðarinnar Sýna áhuga á eignum Skagans 3X Indó lækkar líka vexti Íslandsbanki bregst sömuleiðis við stýrivaxtalækkuninni Arion fyrstur til að tilkynna lækkun Engar hópuppsagnir í september Rekstur Rammagerðarinnar gaf vel í fyrra Mikilvægt að íslenskan sé hluti af hverri tæknibyltinguu Gerir óþægilegt samtal auðveldara Þessir sprotar taka þátt í Startup SuperNova í ár Skiltið skuli fjarlægt „Við erum ekki komin á húrrandi ferð niður Esjuna“ Anna Fríða snýr sér að sælgætinu Vaxtahækkun bankanna vó þungt í ákvörðun Ásgeirs Culiacan lokað á Suðurlandsbraut Efla fjármálin með Elfu Herferð í boði Ernu Hreins og Önnu Margrétar Hvíta húsið og Ennemm segja upp fólki Telur ljóst að vaxtalækkunarferlið sé hafið Eirberg hættir með verslunina í Kringlunni í kjölfar brunans Bein útsending: Ásgeir og Rannveig rökstyðja lækkunina Lækkar stýrivextina í fyrsta sinn síðan í árslok 2020 Ekki útilokað að stýrivextir lækki Gengið frá sölu á hluta Endor Sjá meira