Stökkpallur fyrir hæfileikafólk

Heimasíðan Youtube.com er ein sú vinsælasta á netinu. Fjöldinn allur af fólki hefur hlaðað inn myndböndum á síðuna og reyna margir að vekja á sér eftirtekt og vona að þannig verði þeir uppgötvaðir með hjálp síðunnar.

Milljónir manna heimsækja heimasíðuna Youtube.com dag hvern. Síðan er botnlaus gleðigjafi og inniheldur hátt í milljón myndskeið, fólki til gagns og gamans. Myndskeiðin eru jafn mismunandi og þau eru mörg, en notendur síðunnar geta hlaðað inn eigin efni, hvort sem það er viðurkennt skemmtefni eða ómerkilegar heimaupptökur.

Grínistinn Judson Laipply á youtube alla sína velgengni að þakka en yfir 36 milljónir manna hafa skoðað sex mínútna myndband af uppistandi með honum, lang vinsælasta myndskeið youtube frá upphafi. Síðan að myndbandið sló í gegn á síðunni hefur ferill hans sem grínisti blómstrað, en áður leit hann á uppstandið sem áhugamál en ekki tekjulind og feril.

Leikstjórinn Kevin Smith sem leikstýrði meðal annars Clerks, Dogma, Mallrats og nú síðast Clreks 2 heldur því fram að youtube sé kjörinn stökkpallur til þess að koma hæfileikafólki framtíðarinnar á framfæri.

„Ef kvikmyndagerðamenn eiga erfitt með að fá fólk til að sjá myndina sína, geta þeir skipt henni upp í sex kafla og sett hana á youtube," segir leikstjórinn, en í dag er mjög algengt að sjálfstæðir kvikmyndagerðamenn veki athygli á verkum sínum þannig. „Þegar svo yfirmenn kvikmyndaveranna sjá myndina og sjá þeir hvort að einhverjir hæfileikar búa að baki og þannig geta tilboðin hrannast inn," segir Smith ennfremur, en hann segir að netið sé eina leiðin til að koma sér áfram í dag, eins og Myspace síðan hefur sýnt og sannað.

 En á Youtube skiptir ekki máli hvort maður sé tónlistarmaður, grínisti, leikstjóri eða leikari, lögmálið er einfalt, ef það er skemmtilegt og á ensku þá slær það í gegn. Pottþétt.