Svartur listi FATF tómur

Til eru samtök sem bera heitið The Financial Action Task Force (eða FATF, sem hljómar eins og heimsyfirráðasamtök úr Bond-mynd) og eru samtök um aðgerðir gegn peningaþvætti og fjármögnun hryðjuverka og að fjármálakerfið sé misnotað í þeim tilgangi.

FATF birtir lista yfir ríki og svæði sem ekki hafa sýnt viðhlítandi samstarfsvilja í alþjóðlegum aðgerðum gegn peningaþvætti og tengdum málum en nú ber nýrra við því listinn er tómur.

Á vef Fjármálaeftirlitsins er nefnilega frá því greint að á fundi FATF í október hafi Myanmar verið tekið af listanum, en landið var eitt eftir á honum. Spurning hvort menn verða ekki í snatri að finna sér eitthvað meira að gera. Áhugasamir um FATF geta hins vegar lesið sér til um starfsemina á vefnum www.fatf-gafi.org, en Ísland er aðili að samtökunum.