Ísland og Noregur skildu jöfn nú síðdegis, 32-32 í úrslitaleik á æfingamótinu í handbolta sem fram fór í Noregi. Ísland var yfir þegar örfáar sekúndur voru eftir af leiknum en manni færri eftir að Sigfús Sigurðsson var rekinn út af þegar hálf mínúta var eftir.
Guðjón Valur Sigurðsson var markahæstur Íslands með 10 mörk, Arnór Atlason kom næstur með 5 mörk og þeir Alexander Petersson og Sigfús Sigurðsson fjögur mörk hvor.
Þrátt fyrir jafnteflið telst Ísland sigurvegari mótsins þar sem strákarnir okkar unnu stærri sigur á Katar en Norðmenn og markatala Íslands 10 mörkum betri.
