6 marka tap fyrir Frökkum

Íslenska handboltalandsliðið tapaði fyrir Frökkum, 30-36, í síðari æfingaleik liðanna á Ásvöllum í dag. Ísland átti góða möguleika í fyrri hálfleik og leiddi mestan hálfleikinn en Frakkar sigu framúr undir lok hans og voru yfir í hálfleik 15-17. Frakkar tóku öll völd í seinni hálfleik og náðu mest átta marka forskoti.

Guðjón Valur Sigurðsson var markahæstur Íslands með 6 mörk, Sigfús Sigurðsson kom næstur með 4 mörk, Einar Hólmgeirsson 4, Ólafur Stefánsson 4, Snorri Steinn Guðjónsson 4, Alexander Petersson 2, Arnór Atlason 2, Þórir Ólafsson 2, Vignir Svavarsson 1 og Róbert Gunnarsson 1. Daniel Narcisse var markahæstur í liði Frakka með 10 mörk.