Fundu fíkniefni við umferðareftirlit

Lögreglan í Kópavogi handtók mann í gærkvöldi eftir að talsvert af fíkniefnum fannst á honum við reglubundið eftirlit í umferðinni. Við yfirheyrslur í nótt viðurkenndi hann að hafa ætlað að selja efnin og var honum þá sleppt, en rannsókn málsins verður fram haldið. Þá gistir þrennt í fangageymslum lögreglunnar á Selfossi eftir að fíkniefni fundust í bíl fólksins, sem lenti í árekstri við annan bíl ofarlega í Kömbum í gærkvöldi. Engin slasaðist í árekstrinum.