Sakaður um steraneyslu

Ameríska hafnarboltastjarnan Barry Bonds er borin þungum sökum í bók eftir tvo íþróttafréttamenn sem kemur út á næstunni. Höfundar bókarinnar er sagðir færa rök fyrir því í bókinni að Bonds hafi á ótrúlega skömmum tíma breytt sér úr spretthörðum íþróttamanni í vöðvatröll og ekkert annað en steranotkun hafi geta orðið þess valdandi.

Þessi óútkomna bók mun bera nafnið "Game of shadows" og í henni verða 1000 blaðsíður af rannsóknarefni og yfir 200 viðtöl. Málið hefur vakið mikla athygli í Bandaríkjunum, en Bonds sjálfur neitar öllum þessum ásökunum og vill ekkert tjá sig um málið.