Öruggur sigur Loeb

Franski ökuþórinn Sébastien Loeb sigraði örugglega í Katalóníurallinu sem fór fram um helgina á Spáni. Loeb ekur Citroën Xsara fyrir Kronos-liðið en hann endaði 48,2 sekúndum á undan Spánverjanum Dani Sordo, sem einnig ekur um á Citroën Xsara. Í þriðja sæti varð Finninn Marcus Grönholm á Ford Focus, 1,45 mínútum á eftir Loeb.

Loeb jók með sigrinum

forskot sitt í stigakeppni ökumanna en hann stefnir nú á þriðja

heimsmeistaratitilinn í röð. Loeb er með 36 stig, Marcus Grönholm hefur

27 stig og Dani Sordo hefur 14 stig.