Fæddist með þrjá handleggi

Læknar á barnaspítala í Shanghai í Kína standa um þessar mundir frammi fyrir Jie-jie en hann fæddist með þrjá handleggi. Ekki kemur til greina að leyfa honum að halda öllum útlimunum því engin von er til að þeir geti allir þroskast eðlilega. Klemma læknanna felst hins vegar í þeirri staðreynd að þeir geta ekki almennilega greint á milli hvorum vinstri handlegg barnsins er ofaukið og því geta þeir ekki ákveðið hvorn þeirra á að fjarlægja. Jie-jie hefur auðvitað ekki hugmynd um þessar bollaleggingar, að minnsta kosti virtist hann með öllu áhyggjulaus þegar fréttamenn heimsóttu hann í morgun.