Bændur ruddust inn í brasilíska þingið

Hundruð brasilískra bænda sem ekki hafa landnæði réðust inn í brasilíska þingið í gær til að krefjast úrbóta í landbúnaðarkerfinu. Tuttugu slösuðust í klukkutíma langri baráttu bændanna við lögreglu og öryggisverði en bændurnir köstuðu steinum og öðru lauslegu og börðu mann og annan með prikum. Bændurnir komust næstum alla leið inn í þingsali þar sem þingfundur var í fullum gangi. Bændastéttin hefur stutt Silva forseta en nú þykir þeim standa á efndum loforðs hans um að deila út ónotuðu landi til 400 þúsund heimilislausra fjölskyldna í Brasilíu.