Klinsmann vongóður um sigur

Jurgen Klinsman, þjálfari Þýskalands er vongóður um sigur hjá sínum mönnum í kvöld er liðið mætir Ítölum í Dortmund í undanúrslitum á HM. Klinsman segir að sitt lið muni áfram spila sóknarbolta.

"Ítalir eiga sér langa og glæsilega sögu og þeir eiga skilið að þeim sé sýnd virðing. Þeir eru með eitt af bestu liðum heims og þess vegna eru þeir komnir í undanúrslit. Við verðum að halda okkar striki áfram og sækja á þá. Við verðum að halda okkar stíl eins og við höfum verið að gera allt mótið. Ef okkur tekst það þá vinnum við þá," sagði Klinsman.