Loftárás á Gaza í nótt

Að minnsta kosti sex, þarf af tvö börn, létust í loftárás Ísraelsmanna á Gazaborg í nótt. Tuttugu og fjórir særðust í árásinni. Ísraelski herinn segir Mohammed Deif, háttsettan Hamasliða, hafa særst í árásum þeirra í nótt. Ísraelsher hefur lengi reynt að ná Mohammed Deif en hann er einn helsti sprengjusérfræðingur Hamas-samtakanna. Palestínsk yfirvöld segja ekkert hæft í þessu og að ekkert ami að Mohammed Deif. Nokkur átök hafa verið á Gaza svæðinu undanfarnar tvær vikur eða eftir að Palestínumenn fönguðu ísraelskan hermann. Yfir fimmtíu Palestínumenn hafa látist í átökunum en Ísraelsmenn hafa herjað stífst á svæðið til að reyna að fá Gilad Shalit lausan úr haldi.