Súdönsk yfirvöld hafna ályktun Öryggisráðsins

Öryggisráð Sameinuðu þjóðanna samþykkti í dag ályktun um að friðargæslulið Sameinuðu Þjóðanna verði sent til Darfur-héraðs í Súdan. Súdönsk yfirvöld hafna hinsvegar ályktuninni. Valgerður Sverrisdóttir utanríkisráðherra ætlar að veita sem samsvarar 20 milljónum króna til neyðaraðstoðar í Darfur.

Samkvæmt ályktun öryggisráðsin eiga að minnsta kosti 17,300 friðargæsluliðar að vera sendir til Darfur og taka við friðargæslunni af Afríkisambandinu sem er engan vegin ráða við erfiðar aðstæður í héraðinu.

Fulltrúar ráðsins segja það afar mikilvægt að ályktunin verði hrint í framkvæmd sem fyrst því binda þurfi endi á bardaga í héraðinu sem hafa valdið yfir 200.000 dauðsföllum og yfir 2 milljónir manna eru á vergangi. Tólf af fimmtán þjóðum sem eiga sæti í ráðinu greiddu atkvæði með ályktuninni. Kína, Rússland og Katar sátu hjá.